Силициумска Долина

Од Википедија, слободната енциклопедија
Прејди на: содржини, барај
Поглед кон центарот на Сан Хозе, самопрогласениот „главен град на Силициумската Долина“.

Силициумската Долина е јужниот дел од заливот на Сан Франциско. Името отпрвин било поврзано со големиот број на произведувачи на интегрирани кола кои постојат во регионот, но, со време има станато синоним за сите бизниси кои се занимаваат со висока технологија.

Силициумската Долина го опфаќа северниот дел на Санта Клара Долината и соседните места во јужните делови на полуостровот Сан Франциско и источниот залив. Долината се простира отприлика од Менло Парк (на полуостровот) и областа Фримонт - Њуерк во Источниот Залив, па сè до Сан Хозе, со центар во Санивејл. Делот од Калифорнскиот пат 17 кој поминува низ планинскиот венец Санта Круз, долината Скотс и градот Санта Круз понекогаш исто се сметаат за дел од долината.

Потекло на Името[уреди]

Името Силициумска Долина било за прв пат употребено од новинарот Дон Хефлер во 1971 година. Името го искористил како наслов („Силициумска Долина, САД“) на серија на статии кои ги напишал за неделникот Електроник Њуз. Првата статија била објавена на 11 јануари, 1971. Хефлер така го нарекол регионот бидејќи таму се наоѓа долината Санта Клара a сè повеќе компании кои се основале биле поврзани со полупроводничката и компјутерската индустрија.

Името понекогаш се користи и за околниот регион низ целиот залив бидејќи технолошката индустрија се има проширено насекаде. Од геолошки аспект, вдлабнината во земјата која што ја има направено Силициумската Долина го има направено и целиот залив; единствената разлика е надморската височина.

Во 1970-тите и 1980-тите, многу новинари често и погрешно ја нарекувале долината Силиконска Долина. Во тоа време силициумот сѐ уште не бил дел од секојдневниот живот на американците и новинарите често мислеле дека точното име било всушност Силиконска Долина (на англиски, силициум се пишува „silicon“ додека силикон се пишува „silicone“). [1]

Познати Компании[уреди]

Adobe Systems
Advanced Micro Devices
Apple Computer
eBay
Google
Intel
Intuit
Oracle
Yahoo!

Илјадници високо-технолошки компании се со седиште во Силициумската Долина; следниве компании се наоѓаат на листата на Форбс 500:

Следниве компании се попознати компании со седиште во Силициумската Долина (некои повеќе не постојат или се купени од други компании):

Силициумската Долина е исто дом на ланецот на електронски продавници Fry's Electronics.

Извори[уреди]

  1. Џејмс Берон, "Идејата за висока технологија не успеа да ги задоволи надежите на планирачите," Њујорк Тајмс, 20 септември, 1981, LI1. Оваа статија за слабата економија на Лонг Ајланд исто неточно тврди дека Калифорнискиот Институт за Технологија се наоѓа во Пало Алто.