Свен Тафт

Од Википедија — слободната енциклопедија
Прејди на: содржини, барај
Свен Тафт

Тафт на Светското хронометарско првенство 2008
Лични податоци
Цело име Свен Тафт
Роден 9 мај 1977 (1977-05-09) (37 г.)
Ленгли, Британска Колумбија, Канада
Висина 1,80 м
Маса 74 кг
Податоци за клубот
Мом. клуб Орика-ГринЕЏ
Дисциплина Друмски велосипедизам
Улога Возач
Вид на возач Специјалист за хронометри
Професионални клубови
2005–2008
2009–2010
2011
2012–
Симетрикс
Гармин-Слипстрим
Спајдер Тех-Ц10
ГринЕЏ
Значајни победи
Гранд Тур
Тур де Франс
1 етапа (ТТТ) (2013)

Етапни трки

Тур де Бос (2008)
Вуелта а Куба (2007)

Еднодневни трки и класици

Дуо Норманд (2012, 2013)
Национален друмски првак (2011)
Национален хронометарски првак (2004–2006, 2008-2012)

Други

Американска турнеја UCI (2007)
Последна промена
18 јануари 2014

Свен Тафт (англиски: Svein Tuft; р. 9 мај 1977) — канадски професионален друмски велосипедист и првак во Американската турнеја UCI 2006-2007. Тафт моментално настапува за UCI World Tour екипата Орика-ГринЕЏ.[1]

Личен живот[уреди]

Бил роден во Ленгли, Британска Колумбија, Канада. Неговиот дедо, Арне Тафт, бил олимписки крос-кантри скијач од Норвешка.

Тафт се откажал од училиштето на 15 за да патува и кампува со неговото куче Беар. Следните години ги поминал во искачување на планини и долго возење на велосипед, вклучувајќи го и патувањето од над 6.500 километри до Алјаска како тинејџер.[2]

Додека возел со Симетрикс Сајклинг тим, Тафт живеел во приколка зад куќата на сопственикот на екипата Кевин Канингем близу Ленгли. Во соседната приколка бил колегата на Тафт Кристијан Мајер. Екипата нив двајцата ги нарекувала момци од приколките.

Кариера[уреди]

Тафт започнал со тркање во 1999, на провинциското првенство во Британска Колумбија. Добрите резултати му донеле место во екипата Броудмарк Капитал, пред тоа поминувајќи кратко време во екипите Меркури и Прајм Алијанс. Кариерата на Тафт процветала, кога возел за канадската екипа Симетрикс Сајклинг тим – позната екипа на северноамериканскиот континент од 2005–2008. Тафт е седумкратен канадски национален хронометарски првак, обезбедувајќи ја титулата три години по ред од 2004 до 2006 и потоа четири години по ред од 2008 до 2012. Најпрвин ја освоил титулата во 2004 од неговиот поранешен колега и трикратен канадски олимпиец Ерик Волберг. Волберг ја држел титулата осум последователни години пред Тафт. Во 2007, Тафт ја загубил титулата канадски хронометарски првак од Рајдер Хесједал.

Тој бил избран да настапи за Канада на Олимпијадата 2008 во Пекинг (Кина) на друмската трка и хронометарот. Свен Тафт имал најдобро време на самиот хронометар долго време, пред на крајот да заврши како седми.

Негов најдобар резултат досега е второто место на Светското хронометарско првенство 2008 во Варезе (Италија), кога се здобил со дупната гума во последните 5 километри.

Во стрипот напишан и осмислен од екипата во која настапувал, Тафт е прикажан како многу мускулест, при што тој прокоментирал дека „всушност ние сите сме едни големи лигуши“.[3]

Во 2011 Свен Тафт требало да биде дел од Тим Пегасус Сајклинг. За жал, поради проблеми со спонзорот, екипата морала да се повлече во последен момент.[4] Тафт бил земен како член на канадската професионална континентална екипа, СпајдерТек-С10, менаџирана од Стив Бауер. Тафт ги освоил обете титули на канадските национални првенства, друмската трка и хронометарот во Барлингтон, Онтарот со СпајдерТек во 2011. Во август 2011, Тафт објавил дека ќе го напушти СпајдерТек за австралиската екипа ГринЕЏ во 2012.[5]

Тој се впуштил во самотно возење од 200 километри пред главната група на етапата 2 на Тирено-Адријатико 2012. Во текот на трката согорил неверојатни 6.500 калории. Марк Кевендиш објавил на Твитер „Возење на денот... Не, ова го прави возење на милениумот, постигнато од возачот на ГринЕЏ Свен Тафт. 200 км САМ да ја контролиш групата! Почит“.

Во август 2012, Тафт преовладал на етапата 6 на Енеко Тур, индивидуален хронометар од 17,4 километри. Победата го довела до водечката маичка во генералниот пласман.[6] Го загубил водството следниот ден на седмата и последна етапа на трката, кога морал да се соочи со стрмните искачувања на белгиските „планини“. Тафт завршил како трет во генералниот пласман, но откако заработил казна од 20 секунди за земање шише со вода од неговиот тимски автомобил на помалку од 20 километри пред целта, што е спротивно на правилата на велосипедските трки. Оваа казна го преместила на седмото место, една минута зад победникот Ларс Бом од БМЦ Рејсинг Тим.[7][8]

Во 2013, Тафт ја освоил првата победа во сезоната за Орика-ГринЕЏ преку индивидуалниот хронометар на Тур де Сан Луис.[9] Во јули завршил последен на 100. издание на Тур де Франс во 2013.[10]

Достигнувања[уреди]

2004
1. MaillotCan.PNG Национален хронометарски првак
2005
1. MaillotCan.PNG Национален хронометарски првак
2006
1. MaillotCan.PNG Национален хронометарски првак
2007
Првак Американска турнеја UCI 2006-2007
1. Краен пласман Вуелта а Куба
1. Етапа 1 Класик Редландс
1. УС Опен Велосипедско првенство
2. Краен пласман Тур де Бос
2008
1. MaillotCan.PNG Национален хронометарски првак
Пан Ам првак - хронометар
Пан Ам првак - индивидуална потера
Пан Ам првак - медисон (со Зак Бел)
Пан Ам првак - бодовна трка
1. Краен пласман Тур де Бос
1. Етапа 4a
3. Краен пласман Трка околу Мисури
2. Светско хронометарско првенство
7. Олимписки хронометар
2009
1. MaillotCan.PNG Национален хронометарски првак
2010
1. MaillotCan.PNG Национален хронометарски првак
1. Пролог Енеко Тур
2. Краен пласман Трка околу Данска
1. Етапа 5 (ITT)
2011
1. MaillotCan.PNG Национален хронометарски првак
1. MaillotCan.PNG Национален друмски првак
3. Краен пласман Тур де Бос
1. Етапа 4 (ITT)
1. Етапа 6
2012
1. MaillotCan.PNG Национален хронометарски првак
1. Дуо Норманд (со Лук Дарбриџ)
1. Етапа 4 (ITT) Тур де Бос
1. Етапа 1 (ТТТ) Тирено-Адријатико
3. Екипен хронометар на Светските друмски првенства
7. Краен пласман Енеко Тур
1. Етапа 2 (ТТТ)
1. Етапа 6 (ITT)
2013
1. Дуо Норманд (со Лук Дарбриџ)
1. Етапа 4 (ТТТ) Тур де Франс
1. Етапа 4 (ITT) Тур де Сан Луис
1. Етапа 1 (ITT) Трка околу Словенија
2. Светско првенство во екипен хронометар

Наводи[уреди]

  1. „Орика-ГринЕЏ (OGE) - АВС“. „Светска турнеја UCI“. Меѓународен велосипедистички сојуз. http://62.50.72.82/UCIBWS/(S(juhnxycdwbv5tbcixhvnfyby))/Teams/detail/en/ROA/2997. конс. 3 јануари 2014. 
  2. Макур, Џулиет. „Canadian Rider Makes Unorthodox Climb to Pinnacle“, „The New York Times“, 8 февруари 2009 (конс. 8 февруари 2009).
  3. Кингстон, Гери. „Drawing inspiration“, „The Vancouver Sun“, 13 јули 2007 (конс. 8 февруари 2009).
  4. Clarke, Les. „Pegasus Sports owner pulls plug on team“, „CyclingNews“, Future Publishing Limited, 12 декември 2010 (конс. 1 ноември 2011).
  5. Обри, Џејн. „Tuft heads back to the WorldTour with GreenEdge“, „Cycling News“, Future Publishing Limited, 24 август 2011 (конс. 1 јануари 2012).
  6. Тафт го освои хронометарот на Енеко и генералниот пласман“, „Cycling News“, Future Publishing Limited, 11 август 2012 (конс. 11 август 2012).
  7. Atkins, Ben. „Lars Boom secures overall with late attack on final stage“, „VeloNation“, VeloNation LLC, 12 август 2012 (конс. 12 август 2012).
  8. Бом победи на Енеко Тур 2012“, „Cycling News“, Future Publishing Limited, 12 август 2012 (конс. 12 август 2012).
  9. Квијатковски го освои водството на трката со солиден резултат на хронометар“, „VeloNation“, VeloNation LLC, 24 јануари 2013 (конс. 25 јануари 2013).
  10. Classifications“, „Тур де Франс“, ASO, 21 јули 2013 (конс. 23 октомври 2013).

Надворешни врски[уреди]