Самоански Острови

Од Википедија, слободната енциклопедија
Прејди на: содржини, барај
Оваа статија е за Самоанскиот Архипелаг. За независната држава Самоа, видете Самоа. За истоимената територијата на САД, видете Американски Самоа.
Самоански Острови

горе: островот Офу-ОлосегаAbove. доле: карта на Самоанските Острови
Географија
Местоположба Полинезија
Површина 3.030 км2
Макс. надм. височ. 1.858 м
Највисока точка Мауга Силисили
Земја
Samoa
Најголем град Апија (нас. 38,800)
Американска Самоа
Најголем град Паго Паго (11,500)
Демографија
Население 250,100 (2001)

Самоанските Острови формираат архипелаг во Тихиот Океан. Архипелагот зазема површина од 3.030 километри квадратни и истиот е дел од географскиот регион Полинезија во Океанија. Самоанските Острови имаат вкупно население од околу 250.000 жители. Национален и најголем јазик на островите е самоанскиот јазик. На островите преовладува самоанската култура и самоанскиот начин на општествен живот.[1]

Денес островите се поделени на две политички единици. Западниот дел на островите се под јурисдикција на независната држава Самоа, а источниот дел од островите е под јурисдикција на американската сојузна територија Американска Самоа. Самоанците се најбројни на островите и тие претставуваат најброен полинезиски народ во светот.[2] Во 1768 година, источниот дел на архипелагот бил посетен од францускиот истражувач Луи Антоан де Бугенбил и тој ги именувал како Навигаторски Острови. Ова име било користено од мисионерите сè до 1845 година, а во официјалната европска преписка сè до 1870 година.[3]

Географија и клима[уреди]

Самоанските Острови се наоѓаат во Тихиот Океан. Тие се дел од Полинезија во Океанија. Островите се на 800 километри оддалеченост од Фиџи, 530 километри од Тонга, 2.900 километри од Нов Зеланд и 4.000 километри од Хаваи.[4] Поголем дел од островите се со вулканско потекло прекриени со тропска шума. Помал број од островите се корални. Највисока точка на островите е планината Силисили на островот Саваи со надморска височина од 1858 метри.[5]На Американска Самоа највисок врв е Лата со 966 метри надморска височина.

Островите имаат тропска клима. Дождлива сезона е од ноември до април и често островите се погодени од тајфуни од декември во март.[6]

Политичка поделба[уреди]

Crystal Clear app xmag.svg Главни статии: „Самоа“ и „Американска Самоа.
Германски, британски и американски воени бродови во Апија во 1899.

Во текот на 1800-те години ривалството меѓу колонијалните империи на САД, Германија и Обединетото Кралство било на високо ниво и тоа довело до Тространата конвенција од 1899 година. Според договорот, Самоанските Острови биле поделени на два дела: Германска Самоа и Американска Самоа. Меѓународната конвенција се случила пред Првата светска војна и претходници на истата биле Вашингтонската конференција од 1887, Берлинскиот договор од 1889 и Англо-германскиот договор за Самоа од 1899 година. Во 1920 година Нов Зеланд ја презел власта врз Германска Самоа и управувал со островите сè до независноста на Западна Самоа во 1962 година. Западна Самоа го променила името во Самоа, а источниот дел на архипелагот и понатаму е под управа под САД познат како Американска Самоа.[7]

  •  Самоа, независна држава која ги зазема западните острови од архипелагот. Државата има 2.831 километар квадратен и население од околу 185.000 жители. Од независноста во 1962 па сè до 1997 година државата била позната како Западна Самоа, а потоа го променила името во Самоа. Главен град на државата е Апија, а официјална валута е самоанска тала. Официјални јазици во државата се самоански и англиски.
  •  Американска Самоа, територија на САД. Територијата ги зазема источните острови од архипелагот и има вкупна површина од 199 километри квадратни и население од 65.000 жители. Главен град на територијата е Паго Паго, а официјална валута е американскиот долар. Официјални јазици во територијата се самоанскиот и англискиот.

Острови[уреди]

Карта на Самоа.
Карта на Американска Самоа.

Самоа[уреди]

Американска Самоа[уреди]

  • Тутуила, население од 55,876 (2000).
  • Ауну, население од 476 (2000).
  • Тау, население од 873 (2000).
  • Офу-Олосега, население од 289 (2000) на Офи и население од 216 (2000) на Олосега.
  • Роуз ненаселен атол.
  • Свејнс, население од 37 жители.

Галерија[уреди]

Наводи[уреди]

  1. Fana'afi Le Tagaloa, Aiono. (1986). „Western Samoa: the sacred covenant“. Land Rights of Pacific Women. Institute of Pacific Studies of the University of the South Pacific. (конс. 17 април 2010)
  2. Stanley, David (2004). „Moon Handbooks: South Pacific“. ISBN 1-56691-411-6. http://books.google.com/?id=EDGapfBX-CAC&pg=PA500&dq=Samoans+full+blooded+Polynesian+percentage&q. конс. 20 јуни 2010. 
  3. Masterman, Sylvia (1934). „The Origins of International Rivalry in Samoa: 1845–1884“. George Allen and Unwin Ltd, London. стр. 14. http://www.nzetc.org/tm/scholarly/tei-MasOrig-t1-front1-d9.html. 
  4. Robert, Kiste (1993-2002). „Samoa“. „Microsoft Encarta Reference Library 2003“. Redmond, WA: Microsoft Corporation. 60210-442-1635445-74407. 
  5. Pratt, et al, H. Douglas (1987). „The Birds of Hawaii and the Tropical Pacific“. Princeton University Press. стр. 16–18. ISBN 0-691-02399-9. 
  6. Samoa: Climate“, „Encyclopædia Britannica“ (конс. 26 ноември 2007).
  7. „The rise of the Mau movement“. „NZ History online“. http://www.nzhistory.net.nz/politics/samoa/rise-of-mau. конс. 30 јуни 2010. 

Поврзано[уреди]

Портал „Самоа

Надворешни врски[уреди]