Салвадор Алјенде

Од Википедија — слободната енциклопедија
(Пренасочено од Салвадор Аљенде)
Прејди на: содржини, барај
Салвадор Алјенде

Салвадор Алјенде (шпански: Salvador Guillermo Allende Gossens; 26 јуни 1908 - 11 септември 1973) — прв социјалистички претседател на Чиле од 1970 до 1973 избран на легални избори, и прв воопшто марксистички претседател на една јужноамериканска држава. По потекло од високата средна класа, Алјенде во 1933 учествува во формирањето на Социјалистичката партија на Чиле. Пред да биде избран за претседател на Чиле, трипати неуспешно се кандидира за таа функција, во 1952, 1958 и 1964. Неговото доаѓање на власт во 1970 година претставува прв случај во историјата на власт да дојде марксист по демократски пат. Алјенде се обидел да го преструктуира чилеанското општество во насока на социјализмот со задржување на демократијата.

Владата на САД уште од почетокот на неговиот мандат гледала во недоверба на неговите потези и преку ЦИА почнала да води тајна кампања за негово соборување. Приредила државен удар на 11 септември 1973, при што бил убиен и Алјенде. Според друга верзија, Алјенде извршил самоубиство во моментот кога станало очигледно дека ќе падне во рацете на пучистите. По државниот удар, на чело на воената хунта застанал генералот Аугусто Пиноче, кој вовел диктатура во Чиле.