Саксонија (вински регион)

Патека низ лозјата во селото Пилниц во Саксонија.

Винарија во Саксонија.

Саксонија (Sachsen) — регион на квалитетнот вино во Германија, кој се наоѓа во германската сојузна покраина Саксонија. Регионот е понекогаш нарекуван и како the Elbtal (Елпска Долина). Винскиот регион покрива област од 462 хектари, што го прави третиот најмал регион во Германија по површина. Се наоѓа долж реката Елба од селото Пилниц на Дрезден до селото Дизбар-Зојслиц северно од Мајсен. Заедно со винскиот регион Зале-Унштрут, Саксонија е еден од најсеверните вински региони во Европа и е единствениот од двата региони во Германија, кои се наоѓаат во поранешната Источна Германија. По повторното обединување на Германија во 1990, површината на лозјата била зголемена од 200 на 450 хектари со поддршка од Европската Унија, но во последните години оваа бројка е малку намалена.

Историја

Областа на Саксонија има долга традиција за правење вино со докази за винска култура во регионот кои потекнуваат од 1161 во Мајсен.

Клима и географија

Со местоположба во југоисточна Германија, близу граниата со Чешка, регионот има континентална клима, која е под влијание на Елба. Гранитот и гнајсот се основата на почвата во областа и се слични со австрискиот вински регион Вахау.

Лозја и вина

Сортата Müller-Thurgau е водечка во областа и се одгледува на 85 хектари и 18,4% (бројки од 2008) следено од Riesling со 14,5% и Weissburgunder (Пино бланк) на 11,9%. Поголемиот дел од производството на вино, околу 90%, отпаѓа на суво вино.

Најмногу посадени сорти на грозје по површина во 2008 биле:

Müller-Thurgau, 85 ha (18,4%) Riesling, 67 ha (14,5%) Weißer Burgunder, 55 ha (11,9%) Grauer Burgunder, 43 ha (9,3%) Spätburgunder, 38 ha (8,2%)

Roter Traminer, 29 ha (6,3%) Kerner, 27 ha (5,8%) Dornfelder, 23 ha (5,0%) Goldriesling, 17 ha (3,7%) Scheurebe, 15 ha (3,2%)