Роберт Фишер

Од Википедија — слободната енциклопедија
Прејди на: содржини, барај

Роберт Џемс „Боби“ Фишер (9 март 1943 - 17 јануари 2008) беше американски шаховски велемајстор, кој во 1972 постанал првиот и единствен Американец кој освоил Светско првенство во шах. Неговата победа врз тогашниот првак, Борис Спаски (СССР), имала симболична вредност и за САД, бидејќи било одржано во периодот на таканаречената Студена војна, за време на Советската шаховска доминација.

Детство[уреди]

Боби е роден во Чикаго, САД, меѓутоа на 6-годишна возраст се преселил со неговата мајка и сестра во Њујорк. Таму, како подарок добил шаховска табла/фигури од неговата сестра, по што длабоко навлегол во шахот, и следната година (на 7-годишна возраст) се зачленил во Бруклинскиот шаховски клуб. Мајка му многу го поддржувала во шахот за време на неговото детство, па дури еднаш и го однела во Русија на екскурзија со цел да игра во тамошните клубови против појаки противници во споредба од оние во САД.

Резултати[уреди]

Боби Фишер на 16 години.
  • На 14-годишна возраст постанува првак на САД со освојување на Државното првенство во шах.
  • Меѓу многу други турнири, во Скопје во август 1967 го освојува првото место со резултат 12 победи, 3 нерешени, 2 порази, каде што меѓу другите игра нерешено со Борче Илиевски.
  • Му се пружа прилика да игра против Борис Спаски за титула ‘Шампион на светот’ во Рејкјавик во 1972. Постигнатиот резултат е 7-11-3, со што постанува првак. Мора да се спомене дека од трите порази, два биле необично предадени од страна на Боби Фишер.

1972 -[уреди]

За жал, Боби Фишер не учествуваше на Скопската Шаховска олимпијада во 1972. Всушност, тој тотално исчезнал од меѓународната сцена, цели 20 години, по шампионатот во Рејкјавик. Дури и не му се спротиставил на силниот кандидат Анатолиј Карпов на следниот шампионат во 1975. Ова ја принудила ФИДЕ да му ја одземе титулата.

Светот во тоа време се соочил со фактот дека нивниот ‘Боби’ навистина бил ексцентричен тип.

1992 -[уреди]

Боби пак се појавил на шаховската сцена, по неговата 20-годишна изолација, со организирана реванш партија против Спаски во Црна Гора кон крајот на 1992. Во тоа време Обединетите Нации имале спроведено санкции во тој регион, меѓу кои било вклучено и организирањето на меѓународни спортски натпревари. САД исто така го предупредиле за последиците (казни и апсење), но Фишер настојувал да продолжи со играта. Најважно за Боби било што пак го совлада Спаски 10-15-5 и добил награда од околу 3.000.000 $. Како последица од оваа партија, тој бил принуден да живее надвор од САД.

Боби Фишер починал во неговиот омилен Рејкјавик (Исланд) од бубрежна болест, покрај неговата јапонска сопруга на 17 јануари 2008.

Надворешни врски[уреди]