Реј Бредбери

Од Википедија

Реј Даглас Бредбери е американски писател на научна фантастика.

[уреди] Живот

Реј Бредбери (во средината), заедно со претседателот на САД Џорџ Буш и неговата жена, 2004

Роден е 22 август 1920 година во Вавкеган, Илиноис, САД. Во раните години неговата фамилија доста често се селела, за во 1934 да започнат константно да живеат во Лос Анџелес. Во својата фамилија, Реј, имал голем број на издавачи на книги, па не изненадува тоа што самиот бил писател, а и голем читател. По средното образование, не се решава за одење на колеџ, и започнува да се издржува со продавање на дневни весници. Образованието го продолжва во библиотеката, каде се заљубува во научно фантастичните дела и ликови, како Флеш Гордон и Бак Роџерс. Наскоро започнува да ги објавува и своите СФ раскази по списанија во раните 1940-ти. Неговата прва книга, збирката „Темен карневал“, ја објавува во 1947.

Работел и на сценарија за филмови. Тоа се „Моби Дик“ (1956), режиран од Џон Хустон, и „Кралот на кралевите“ (1961), режиран од Николас Реј. Бредбери има пишувано и за оргиналнита „Зона на самракот“ (1959).

Покрај веќе наведените дела, Бредбери има напишано и голем број на есеи и ракази. Пишувал и мјузикли, десетина романи и новели, збирки раскази, па и поезија. Можеби најпознато дело му е „Фаренхајт 451 – температурата на која хартијата гори“, издадено во 1953 година, кое денеска претставува класика за американската литература.

Бредбери бил и идеен консултант за павилионот на САД на Светската изложба во Њујорк 1963, а помагал и при креирањето и планирањето на туристичките патеки низ Дизниленд. Консултант е за урбано градежништво и брз транспорт.

И покрај тоа што често е етикетиран како СФ писател, лично смета дека од неговите дела само „Фаренхајт 451“ е научна фантастика, базирана на реалноста. За поголемиот број од останатите дела смета дека се фантазија.

[уреди] Дела

[уреди] Новели

• (1953) Фаренхајт 451
• (1957) Dandelion Wine
• (1962) Нешто чудно не привлекува
• (1972) The Halloween Tree
• (1985) Смртта е осамен бизнис
• (1990) Гробишта за лудаци
• (1992) Зелени сенки, бел кит
• (1998) Ахмед и заборавените машини
• (2001) Од прашина вратени
• (2003) Let's All Kill Constance
• (2003) Дојдено од вселената

[уреди] Збирки раскази

• (1947) Темниот карневал
• (1950) The Martian Chronicles
• (1951) The Illustrated Man
• (1953) The Golden Apples of the Sun
• (1955) Октомвриска земја (Дополнето и прошитено издание на „Темниот карневал“)
• (1959) Медицина за меланхолија
• (1960) R is for Rocket
• (1969) I Sing The Body Electric!
• (1970) S is for Space
• (1980) Приказни за Реј Брадбери
• (1988) The Toynbee Convector
• (1996) Побрзо од окото
• (1998) Возејќи на слепо
• (2002) One More for the Road
• (2003) 100 Најпознати приказни
• (2004) Мачкините пиџами: приказни

Покрај овие колекции многу раскази се издадени како Best of колекции.

[уреди] Поезија

• (1975) When Elephants Last In The Dooryard Bloomed
• (1977) Where Robot Mice and Robot Men Run Round In Robot Towns

[уреди] Друго

• (1992) Зен во уметноста на пишувањето

[уреди] Тривија

• Една општо позната иронија е дека Бредбери, и покрај пишувањето за вселенски бродови и патувања, никогаш не возел автомобил. Тој ова го препишува на ужасна сообраќајна несреќа што ја имал видено во детството.

• Не се возел ниту во авион до својата 63-та година.

[уреди] Почести и награди

За својте придонеси во филмската индустрија, Реј Бредбери има ѕвезда на познатиот Холивудски булевар.

Еден астероид е именуван во негова чест - (9766) Bradbury.А истот така и еден кратер на месечината е именуван по негова новела - "Dandelion Crater" .

Ја има добиено „Светската награда за фантазија“, за своите достигнувања, Строкер наградата, и други.

[уреди] Надворешни врски

• Ray Bradbury - Официјална страна