Мрежница

Мрежница или ретина
	Напречен пресек на десно човечко око; очите значително се различни кај животните
Податоци
Дел од	Око
Систем	Систем за вид
Артерија	Централна ретинална артерија
Назнаки
Латински	Rēte
TA	A15.2.04.002
FMA	FMA:58301
	[уреди на Википодатоците]

Мрежница или ретина^[1] — внатрешна опна на очното јаболко што ги прима светлосните дразби.^[2]

Оптиката на окото создава слика на визуелниот свет на мрежницата слично како филм во фотоапарат (превртена и смалена слика). Во мрежницата се создаваат хемиски и електрични настани со чија помош се придвижуваат нервните импулси кои се испраќаат во разни оптички центри во мозокот преку очниот нерв.

Мрежницата е комплексна, слоевита структура која е изградена од неколку слоја неврони поврзани со синапси.

Единствени неврони кои се директно осетливи на светлина се ќелиите на фоторецепторите:

Стапчиња, ги има околу 90 милиони^[3] и служат за снаоѓање во мрак.
Чунчиња, ги има околу 4,5 милиони^[3] и служат за снаоѓање дење.

Ганглиските ќелии се ретки и се важни за рефлексивни „одѕивања“ на многу јако светло. Единствениот дел на мрежницата на кој не се наоѓаат фоторецепторски ќелии се вика слепа точка. Тоа е местото каде се спојуваат ќелиите и формираат очен нерв.

За разлика од камерата, мрежницата не ги испраќа едноставно сликите во мозокот. Таа просторно ги компресира за да одговараат на ограничената големина на оптичкиот живец.