Рамсарска конвенција
| Конвенција за водните живеалишта од меѓународна важност, особено за водните птици' | |
|---|---|
 Лого | |
| Потпишан | 2 февруари 1971 |
| Место | Рамсар, Иран |
| На сила од | 21 декември 1975 |
| Услов | Ратификација од 7 држави |
| Странки | 168 |
| Чувар | Ген. директор на УНЕСКО |
| Јазици | англиски, француски, германски и руски |
Рамсарска конвенција (полн назив: „Конвенција за водните живеалишта од меѓународна важност, особено за водните птици“) — меѓународен договор за заштита и одржливо користење на водните живеалишта (моклишта)[1] со цел да се спречи нивното уништување и да се нагласи нивната еколошка стопанска, културна, научна и рекреативна вредност. Наречена е по градот Рамсар во Иран, каде е потпишана во 1971 г.
Македонија има две рамсарски места: Преспанското и Дојранското Езеро.[2] Во 1994 г. е основан и Македонскиот рамсарски комитет.[3]
За конвенцијата[уреди | уреди извор]
Конвенцијата е осмислена и усвоена од 21 држава на собирот во градот Рамсар на 2 февруари 1971 г., чиј домаќин било Министерството за животна околина на Иран.[4] Стапила на сила на 21 декември 1975 г.
На 2 ноември 2013 г. постоеле 2.168 рамсарски места во 168 држави. Местата имаат вкупна површина од 206.632.105 хектари. Највеќе заведени места има Велика Британија (169), а најголем удел по површина има Канада (130.000 км²). Дефиницијата за водно живеалиште е прилично широка: морски подрачја не подлабоки од 6 м при осека, мочуришта, езера, езерца, оризарници и солани.[5]
Потписниците се состануваат на секои три години, почнувајќи од 1980 г. Досега на собирите се усвоени два амандмана во 1982 и 1987 г.[6]
Организацијата има постојан комитет, стручен одбор и секретаријат. Седишето се наоѓа во Гланд, Швајцарија, во кое е сместен и Меѓународниот сојуз за заштита на природата (МСЗП). Соработува со разни еколошки организации за подобар успех во делувањето.
Поврзано[уреди | уреди извор]
Наводи[уреди | уреди извор]
- ↑ Матична страница на Рамсарската конвенција (англиски) посет. 10 јули 2011 г
- ↑ Список на рамсарски места, 24 октомври 2013 (англиски)
- ↑ За друштвото Архивирано на 7 август 2013 г. — Друштвото за проучување и заштита на птиците на Македонија (ДПЗПМ)
- ↑ „Sad news: death of Mr Eskandar Firouz“. Call of the Curlew (англиски). 11.03.2020. Посетено на 2022-02-01. Проверете ги датумските вредности во:
|date=(help) - ↑ Viney, Michael (2013). „We're a wet country“. Irish Times. Архивирано од изворникот на 2013-02-28. Посетено на 9 февруари 2013. Не се допушта закосување или задебелување во:
|publisher=(help) - ↑ Рамсар: Кратка историја (англиски) посет. 7 ноември 2009 г
Надворешни врски[уреди | уреди извор]
 |
„Рамсарска конвенција“ на Ризницата ? |
- Рамсарска конвенција — матичен портал (англиски)
- Рамсарска информативна служба Архивирано на 1 септември 2013 г. и базата на податоци на организацијата (англиски)
|