Радиус

Радиус и други елементи на кружницата

Во геометријата, радиус (или полупречник) на една кружница или сфера е отсечка која се протега од нејзиниот центар до нејзиниот раб. Радиусот на една кружница или сфера е должината на таа отсечка. Тој претставува половина дијаметар.

Повоопштено—во геометријата, инженерството, теоријата на графите и многу други случаи—радиусот на нешто (на пр. цилиндар, многуаголник, граф или пак механички дел) е растојанието од неговиот центар или оска на симетрија до неговиот раб. Во овој случај, радиоусот може да изнесува повеќе од половина дијаметар.

Соодносот помеѓу радиусот и обиколката на една кружница е $r = \frac{c}{2\pi}$.

За прсметување на радиусот на една кружница која поминува низ три точки $P_1, P_2, P_3$, може да се примени следнава формула:

$r=\frac{|P_1-P_3|}{2\sin(\theta)}$

каде $\theta$ е аголот $\angle P_1 P_2 P_3.$

Видете исто така

• Дијаметар
• Кружница