Путер од кикирики
Путер од кикирики (анг. Peanut butter) е прехранбен продукт што се добива од печени и ситно мелени кикирики во вид на паста, кон што е додадено растително масло.
Ова е многу популарен производ во земјите од англиското говорно подрачје и нивните поранешни колонии: Канада, САД, Австралија, Велика Британија, Јужна Африка, Нова Гвинеја, Нов Зеланд, Филипини и Холандија.
Путерот од кикирики има големо количество белковини и погоден за исхрана на стари луѓе, кои поради проблемите со забите не се во можност да џвакаат месо и на тој начин да внесуваат протеини и белковини.
Содржина |
Распространетост [уреди]
Скоро половина од вкупното производство на кикирики во 2001 година во САД било искористено за производство на путер од кикирики.[1]
Путерот од кикирики обично се користи за подготовка на сендвичи (се мачка леб со овој путер и потоа се додава џем), како и за голем број слаткарски производи, крeкери други продукти, каде е неопходно засилување на вкусот на кикирики.
24 јануари во САД се прославува како Национален ден на путер од кикирики.[2]
Придобивки [уреди]
Путерот од кикирики содржи мононезаситени масти и резвератрол. Исто така, обезбедува протеини, витамини како Б3 и Е, магнезиум, фолна киселина, диетални влакна, аргинин. Мононезаситените масти го намалуваат нивото на лошиот холестерол, притоа зголемувајќи го нивото на добриот холестерол. Според истражувања спроведени во Америка, умереното конзумирање на путер од кикирики двојно го намалува ризикот од срцеви болести.
