Преносен сметач

Од Википедија — слободната енциклопедија
Прејди на: содржини, барај
Acer Aspire 8920.
Космонаутот Џон Крејтон позира со Грид Компас 1100 во вселената во 1985. Ова веројатно бил првиот преносен сметач во 1982., имал монитор со 320х200 пиксели, 340 килобајти РАМ меморија и тежел 5кг. Немал внатрешен диск ниту дискетна единица.

Преносен сметач (преносен компјутер, руски: переносник или лаптоп, англ. laptop computer, notebook computer, notebook) е мал преносен сметач кој вообичаено тежи 1-8кг. Преносните сметачи содржат компоненти кои се идентични со статичните сметачи, но се минијатуризирани (смалени) за да бидат полесни, да трошат помалку струја и да зафаќаат помалку простор. Преносниот сметач вообичаено работи на батерии и на надворешно напојување.

Преносниот сметач еволуирал со развојот на технологијата. Првите преносни сметачи се појавиле во 1982-1983. и како што се развивала технологијата така и нивната тежина опаѓала, а времето на автономна работа без надворешен извор на енергија растело. И другите перформанси го следеле општиот развој на сметачите.

Поради преносливоста и високата интеграција на компонентите, преносните сметачи се поподложни на стареење и физички оштетувања од стационарните сметачи. Компонентите како што се батериите, шарките од екранот, конекторите и напојувањето се најчести жртви на секојдневната употреба.

Од друга страна, самиот концепт на преносливост на податоците и работите заедно со нивниот сопственик неизбежно ги прави преносните сметачи неопходност.

Видете исто така[уреди]