Премиерот на Државниот совет или само Премиер (кин. 国务院总理, пинјин: guówùyuàn zŏnglĭ, мак. „Гуовујуен цунгли“), стои на чело на Државниот совет („Централната народна влада“ по 1954), и е шеф на владата на Народна Република Кина. Сè до 1954 функцијата првично се нарекувала Премиер на Владиниот управен совет (традиционално: 政務院總理). Премиерот добива формално одобрение од Националното народно собрание по номинација од претседателот. Во практика и премиерот и претседателот се избираат со однапред решени божемни избори кои се одржуваат еднаш на пет години. Премиерот членува во моќниот Постојан комитет на Политбирото на Комунистичката партија на Кина за да го означи важниот статус на ова тело.
Надлежност [уреди]
Премиерот е одговорен за организирање на и раководење со управните бирократски органи во земјата. Тука спаѓа надгледување на разните министерства, служби, комисии статутарни агенции. Премиерот нема власт врз армијата, туку стои на чело на Националниот комитет за одбранбена мобилизација. Во последниве години се забележува поделба на одговорностите помеѓу премиерот и претседателот (кој всушност е Генерален секретар на партијата) каде премиерот е одговорен за поединостите во имплементацијата на владината политика, додека претседателот (Генерален секретар) има задача да собира политичка поддршка која е потребна за донесување на одлуки.
Премиерот е помаган од четири заменици-премиери, започнувајќи со реформата на Денг Сјаопинг во 1983 г.
Видете исто така [уреди]
- Кина - Интернет-енциклопедија (англиски)
Надворешни врски [уреди]
