Празната куќа
| „Празната куќа“ | |
 |
|
| Автор | Сер Артур Конан Дојл |
|---|---|
| Наслов на оригиналот |
The Adventure of the Empty House |
| Земја | Обединето Кралство |
| Јазик | англиски |
| Серијал | Враќањето на Шерлок Холмс |
| Жанр(ови) | детективска приказна |
| Издавач | Strand Magazine |
| Издадена | 1903 |
| Медиум | печатено |
| Претходна | „нема“ |
| Следна | „Норвудскиот градежник“ |
Празната куќа или Авантурата во празната куќа (англиски: The Adventure of the Empty House) е една од 56-те кратки приказни за Шерлок Холмс напишани од шкотскиот писател Сер Артур Конан Дојл. „Празната куќа“ е една од 13 приказни во книгата Враќањето на Шерлок Холмс. Јавниот притисок го натерал Конад Дојл повторно да објавува приказни со Шерлок Холмс, поточно да го оживее Шерлок Холмс по смртта на ликот во претходната книга. Самиот Конан Дојл ја ставил оваа приказна на шестото место на неговиот список на омилени приказни за Шерлок Холмс.
[уреди] Сиже
Наспроти станот на Шерлок Холмс на Бејкер Стрит има празна куќа која гледа во станот на детективот и негова поставена восочна фигура. Фигурата била поставена како мамка за Себастијан Моран, преживеан соработник на професорот Моријарти. Во април 1894 година, Вотсон (сега веќе вдовец) оди во Парк Лејн 427 каде бил убиен младиот коцкар Роналд Адер. Вотсон налетал и се судрил со еден стар колекционер на книги, кој патем го следи до неговите простории и на крај открива дека всушност колекционерот е Шерлок Холмс. Во продолжетокот, Шерлок Холмс му објаснил на Вотсон како ја преживеал битката со професорот Моријарти, што работел до тој момент и како се снаоѓал. Понатака, двајцата продолжуваат со нивните детективски авантури.[1]
-
Појавувањето на Шерлок Холмс. Џон Вотсон не може да поверува на очите.
-
Борбата меѓу Шерлок Холмс и професорот Моријарти. Обајцата паѓаат во долот.
-
Апсењето на Себастијан Моран, еден од соработниците на професорот.
[уреди] Наводи
- ↑ Празната куќа, Враќањето на Шерлок Холмс, Конан Дојл, Лондон, 1903.
[уреди] Поврзано
 |
Ова е недовршена статија за литература. Вие можете да помогнете за нејзината дообработка. |
|
||||||||
