Политика на Хамбург

Од Википедија — слободната енциклопедија
Прејди на: содржини, барај
Хамбург
Coat of arms of Hamburg.svg

Оваа статија е дел од серијалот:
Политика на Хамбург



други земји
 Портал „Политика“

Политиката на Хамбург е поделена на извршна, законодавна и судска власт. Поради карактеристиката дека Хамбург е град-покраина и општина во Германија, власта вклучува неколку детали од покраинската и општинската политика. Таа се одвива на две нивоа; градска и покраинска администрација (Сенат на Хамбург) и локално ниво за окрузите. Главен за градската и покраинска администрација е Првиот градоначалник (Erster Bürgermeister). Министерството е наречено Behörde (канцеларија), а покраинскиот министер е Senator во Хамбург. Законодавниот дом е покраинскиот парламент, наречен Hamburgische Bürgerschaft, а судската власт е составена од покраински Врховен суд и друг судови. Седиштето на управата (владата) е во Градскиот дом („ратхаус“).

Локалното ниво е организирано во 7 окрузи на Хамбург.

Политички систем[уреди]

Основите на политичкиот систем се Уставот на Германија и Уставот на Слободниот и ханзеатски град Хамбург.

Слободниот и ханзеатски град Хамбург е посебна држава во Сојузна Република Германија. Хамбург е република, демократска социјална држава и правна држава. Во истовреме, Хамбург е и општина, но нема поделба помеѓу овие две административни задачи.[1] Моќта да создаде закон е ограничена од сојузен закон.

Постои јасна поделба на власта.

Поврзано: Покраини на Германија#Политика

Законодавна власт[уреди]

Соба на Hamburgische Bürgerschaft (Парламент)
Crystal Clear app xmag.svg Главна статија: „Парламент на Хамбург.

Моќта да создаде, измени и усвои закони (законодавна власт) е дадена на парламентот. Во согласност со Уставот на Хамбург возможен е плебисцит и референдум. Во другите германски покраини, парламентот е наречен Landtag.

Парламенот, покрај другите работи, одговорен е за законите, изборот на Erster Bürgermeister (Првиот градоначалник) за одреден изборен период и контрола на Сенатот (кабинет). Парламентот е еднодомен парламент и 121 пратеник се избираат на универзални, директни, слободни, еднакви и тајни избори на секои четири години.[2][3]

Извршна власт[уреди]

Соба на Senat

Извршната власт е Senat der Freien und Hansestadt Hamburg (Сенат на Хамбург / владин кабинет). Неговата цел е да ги спроведува законите. Сенатот е одговорен за секојдневното управување, а главен на него е Првиот градоначалник. Сенатот го претставува Хамбург кај сојузната влада и другите покраини или држави.[4]

Senat der Freien und Hansestadt Hamburg е формиран од Првиот градоначалник на Хамбург,[5] Министер-Претседателот и градоначалникот на Хамбург. Неговиот заменик е Вториот градоначалник. Сенатот е ограничен според закон на не повеќе од 12 члена. Овој закон, исто така, ги регулира меѓудругото, платите, пензиите, привилегиите да се добие имунитет и за нивната правна позиција пред хамбуршките судии. Сенаторите ги назначува Првиот градоначалник, а потоа треба да бидат избрани од Парламентот на Хамбург.[6] Првиот градоначалник ги создава министерствата, според коалицискиот договор на владејачките партии.

Поврзано: Список на градоначалници на Хамбург

Историја[уреди]

До 1860, владата на Хамбург била наречена Rath или Rat (одбор/совет), членовите биле Ratsherrn и Bürgermeister. По измената на Уставот на Хамбург во 1861, владата била наречена Hamburger Senat.

Пред Првата светска војна два градоначалника биле избран на едногодишен мандат. До 1997, Првиот градоначалник бил Primus inter pares меѓу неговите колеги во Сенатот, од кого бил избран. Оттогаш, тој е избиран од парламентот и има право да назначува и разрешува други сенатори.[5]

Судска власт[уреди]

Врховен суд на Хамбург

Толкување на правото (судска власт) е задача на Hamburgisches Verfassungsgericht (Уставен суд на Хамбург) и другите 17 судови на Хамбург.

Врховниот суд се состои од претседател на судот и 8 судии. Претседателот и 3 судии се избрани како доживотни судии во Хамбург. Парламентот на Хамбург ги избира судиите на 6 години и само еднаш можат повторно да бидат избрани. Одговорностите се одредени според Уставот на Хамбург (Член 65) и Gesetzes über das Hamburgische Verfassungsgericht (Закон за Уставниот суд на Хамбург) (§ 14).

Професионалните судии на другите судови се избираат од сенатот според номинации од комитетот.[7]

Министерства[уреди]

Олаф Шолц во 2009

Во 2011, постојат девет сенатори кои имаат министерски позиции и главниот на покраината, Првиот градоначалник.[8] Сенатор е моменталниот министер на Behörde ('владина агенција' означувајќи тука како министерство).

Покраинско Канцеларство

Покраинското Канцеларство (German: Senatskanzlei) ги координира Сенатот и го поддржува градоначалникот. Првиот градоначалник е на чело на оваа владина агенција. Во 2011, Прв градоначалник на Хамбург е Олаф Шолц.[8]

Министерство за училишта и стручно образование

Министерството (германски: Behörde für Schule und Berufsbildung) е одговорно за образовниот систем во Хамбург.

Министерство за наука и истражување

(германски: Behörde für Wissenschaft und Forschung)

Министерство за внатрешни работи

Меѓу другите Behörde für Inneres е надзорен орган за спроведување на законот во Хамбург, противпожарната бригада, за контрола од катастрофи и неговите единици, службите за пријавување на граѓаните и Покраинската изборна комисија.[9] Во 2008, Кристоф Алхаус (CDU) бил министер за внатрешни работи.[8]

Министерство за финансии

(германски: Finanzbehörde)

Министерство за економски прашања и вработување

(германски: Behörde für Wirtschaft und Arbeit)

Министерство за градскиот развој и животната средина

(германски: Behörde für Stadtentwicklung und Umwelt)

Министерство за правда

Министерството (германски: Justizbehörde) е надлежно за поправните установи, судовите и ревизијата на законите.[10] Во 2008, Тил Штефен (GAL) бил министер за правда на Хамбург.[8]

Министерство за социјални работи, семејни работи, здравство и заштита на потрошувачите

(германски: Behörde für Soziales, Familie, Gesundheit und Verbraucherschutz)

Министерство за култура, спорт и медиуми

На 7 мај 2008, поранешното министерство за култура беше променето во Министерство за култура, спорт и медиуми (германски: Behörde für Kultur, Sport und Medien), сега меѓудругото одговорно за туризмот, јавните информации, заштита на историските споменици и меморијалниот музеј за концентрациониот камп Нојенгаме.[11] Во 2005, годишниот буџет бил 212,7 милиони евра.[12] Во 2008, проф. д-р Карин фон Велк била на чело на министерството.[8]

Спроведување на законот[уреди]

Полициски офицер на хамбуршката полиција на задача пред градското собрание на Хамбург.
Crystal Clear app xmag.svg Главна статија: „Хамбуршка полиција.

Откако спроведувањето на законот и полициските должноста се делумно во одговорност на германските покраина, Хамбург има сопствени полициски сили. Овие сили се состојат од покраинска полиција Polizei Hamburg, крим-полиција (германски: Landeskriminalamt), криминална истрага (Kriminalpolizei), пловна полиција (Wasserschutzpolizei) која го контролира сообраќајот во пристаништето во Хамбург, сили на готовност (Bereitschaftspolizei), единици за специјални задачи и тактички единици (Spezialeinsatzkommando) и мобилни единици за следење (Mobiles Einsatzkommando).[13] Покраинското биро за заштита на Уставот (Landesamt für den Verfassungsschutz) е домашна разузнавачка служба во Хамбург. Министерство за внатрешни работи има правен и технички надзор над агенциите за спроведување на законот.[9]

Поврзано: Полиција (Германија)

Избори[уреди]

Crystal Clear app xmag.svg Главна статија: „Избори во Хамбург.

Изборите за покраинскиот парламент на Хамбург се одржуваат на секои четири години, заедно со изборите на окружните парламенти (Bezirksversammlungen). Изборите се регулирани со закон.

Политички партии[уреди]

Главни политички партии во Хамбург се Христијанска демократска унија, Социјалдемократска партија, Сојуз '90/Зелени, Левица и од 2008 не е во покраинскиот парламент Слободна демократска партија.[14]

Име Name (германски) Кратенка Идеологија Став Меѓународни организации Гласови (2008) Места во Hamburgische Bürgerschaft Забелешки
Христијанска демократска унија Christlich Demokratische Union CDU христијанска демократија десен центар Центристичка демократска интернационала и Меѓународна демократска унија 42,6% 56
Социјалдемократска партија Sozialdemokratische Partei Deutschlands SPD социјалдемократија лев центар Социјалистичка интернационала 34,1% 45
Сојуз '90/Зелени Bündnis 90 / Die Grünen (GAL) зелена политика лев центар Глобални зелени 9,6% 12 спојување на Die Grünen и Bündnis 90
Левица DIE LINKE социјализам
еврокомунизам
левица Партија на европската левица 6,4% 8 спојување на Левичарската партија.ПДС и WASG
Слободна демократска партија Freie Demokratische Partei FDP либерализам центар Либерален интернационал 4,8% нема

STATT партија е мала политичка партија, која била основан во 1993. Партијата била избрана во Парламентот на Хамбург на покраинските избори во 1993.[15] Владејачката SPD и новата STATT партија направиле владејачка коалиција до 1997, кога партијата ги изгубила сите места.

Веќе непостоечката партија Партија за право и ред (Partei Rechtsstaatlicher Offensive - Offensive D). Партијата била во хамбуршкиот парламент од 2001 до 2004, добивајќи 19,4% од гласовите.[14][16]

Поврзано: Список на политички партии во Германија

Поврзано[уреди]

Наводи[уреди]

  1. Крамер, Јута (2005), „Локална управа и градови-држави во Германија“, Фондација Конрад Аденауер, ISBN 0-9584936-8-5, http://www.kas.de/wf/doc/kas_8271-544-2-30.pdf, конс. 25 јули 2009 
  2. Што е Парламент на Хамбург?“, Hamburgische Bürgerschaft, http://www.hamburgische-buergerschaft.de/cms_en.php?templ=par_sta.tpl&sub1=225&cont=360, конс. 14 август 2008 
  3. Кој работи во Парламентот?“, Hamburgische Bürgerschaft, http://www.hamburgische-buergerschaft.de/cms_en.php?templ=par_sta.tpl&sub1=224&cont=353, конс. 14 август 2008 
  4. Senatskanzlei (2005-05-25), „Der Hamburger Senat“, Senatskanzlei, http://www.hamburg.de/senat/, конс. 14 август 2008  (германски)
  5. 5,0 5,1 Устав на Хамбург (Член 33, 34, 35)
  6. Закон за сенатот Senatsgesetz“, 1971-02-18, http://hh.juris.de/hh/gesamt/SenG_HA_1971.htm, конс. 26 септември 2008  (германски)
  7. Устав на Хамбург (Член 63)
  8. 8,0 8,1 8,2 8,3 8,4 Staff: State Chancellery, „Die Senatoren“, www.hamburg.de Freie und Hansestadt Hamburg, http://www.hamburg.de/senatoren/, конс. 26 септември 2008  (германски)
  9. 9,0 9,1 Staff, „Aufbau Innenbehörde Hamburg“, Behörde für Inneres, http://www.hamburg.de/start-behoerdenaufbau/, конс. 19 август 2008  (германски)
  10. Justizbehörde website www.hamburg.de Justizbehörde (германски) Accessed August 6, 2008
  11. Behörde für Kultur, Sport und Medien: Die Behörde für Kultur, Sport und Medien Accessed August 13, 2008 (германски)
  12. Institut für Kultur- und Medienmanagement: Kulturwirtschaftsbericht 2006 August 2006, Behörde für Kultur, Sport und Medien, Hamburg. Retrieved on August 13, 2008 (германски)
  13. Staff (2006-12-12), „POLIS - Policing Profiles of Participating and Partner States“, ОБСЕ, http://polis.osce.org/countries/details.php?item_id=17#Country_Profile_Section_212, конс. 19 август 2008 
  14. 14,0 14,1 Search database for Hamburg state elections, „Hamburger Wahlergebnisse seit 1965“, Statistisches Amt für Hamburg und Schleswig-Holstein, http://www.statistik-nord.de/fileadmin/wahldb/index.php, конс. 26 септември 2008  (германски)
  15. (на германски) „Bürgerschaftswahl 1993“, Статистичко биро на Хамбург и Шлезвиг-Холштајн (Statistisches Amt für Hamburg und Schleswig-Holstein), http://www.statistik-nord.de/fileadmin/wahldb/results.php?action=tables&voteid=23, конс. 26 јули 2009 
  16. Staff: (извор: Deutsche Welle) (2004), „Градоначалникот фон Бојст ќе владее сам по победата на изборите во Хамбург“, www.citymayors.com, http://www.citymayors.com/politics/hamburg_election.html, конс. 13 август 2008 

Надворешни врски[уреди]