Планинско лутиче

Од Википедија — слободната енциклопедија
Прејди на: содржини, барај
Планинско лутиче
Научна класификација
Царство: Растенија
Оддел: Скриеносеменици
Класа: Дикотиледони
Ред: Лутиковидни
Фамилија: Лутичиња
Род: Лутиче
Вид: R. lyalii
Биномен назив
Ranunculus lyallii
Hook.f.

Планинско лутиче, или куковопланинско лутиче (науч. Ranunculus lyallii) — вид на ендемско лутиче (Ranunculus) што расте само во Нов Зеланд. Во рамките на земјата, вирее на Јужниот Остров и Стјуартовиот Остров, на надморска височина од 700 до 1.500 м.[1][2] Најраспространетото англиско име на растението е Mount Cook lily („куковопланински лилјан“), но ова научно сосем неисправно бидејќи растението воопшто не припаѓа на фамилијата лилјани.

Ова билно повеќегодишно растение расте до височина од 60–100 см (како најголем од сите видови лутичиња), со цврст ризом. Листовите му се сјајно темнозелени и округли, со пречник од 15–40 см. Цветовите имаат пречник од 5–8 см, со 10–20 бели ливчиња и голем број жолти прашници. Цвета од доцна пролет до рано лето.[1][2]

Најзастапено е во националниот парк Аораки/Кукова Планина[3] и други алпски предели како Артуровиот Премин.

Наводи[уреди]

  1. 1,0 1,1 Ranunculus lyallii - Лутичарско друштво (англиски)
  2. 2,0 2,1 Алпски растенија во Нов Зеланд: Ranunculus lyallii (англиски)
  3. Слики на планински лутичиња - Виртуелен Нов Зеланд (англиски)