Питермарицбург

Од Википедија — слободната енциклопедија
Поглед кон градското собрание

Питермарицбург е седиште и најголем град во провинцијата Натал во ЈАР. Тој е основан во 1838 година. Има две верзии за потеклото на името на овој град. Едната гласи дека градот бил именуван по Пит Ретиф и Герт Мариц, познати водачи. Другата теорија, пак, тврди дека градот е именуван само по Пит Ретиф, чиешто цело име е Питер Мариц Ретиф. Питермарицбург е познат и по престојот на Махатма Ганди, каде што тој бил исфрлен од возот во кој се возел, бидејќи се сместил во вагоните од прва класа, а и затоа што бил Индиец. Денес постои бронзена статуа на Ганди во градот.

За време на Зулуската Империја, градот се викал Умгунгундлову, што значи "Слоновско Место". Причината за ова е тоа што Питермарицбург се смета за место каде што некој зулуски крал извојувал победа, а "слон" (Inhlovu) е име со коешто биле нарекувани зулуските монарси.

Историски настани[уреди | уреди извор]

  • Првиот весник во Натал - "Наталски Сведок" (сега познат само како "Сведокот") излегол во 1846 година.
  • 46-хектарската ботаничка градина била создадена во 1872 од ботаничкото друштво на Натал.
  • Градското собрание е најголемата зграда во јужната полутопка. Таа била уништена од пожар во 1895, но била повторно изградена во 1901.