Пеле

Од Википедија — слободната енциклопедија
Прејди на: содржини, барај
Пеле

Едсон Арантес до Наскименто (23 октомври 1940, близу Тре Коракоес, Бразил), подобро познат како Пеле, бил бразилски фудбалер, кој во негово време, најверојатно, бил најславниот спортист во светот.

Биографија[уреди]

Во ноември 2014 год., на возраст од 74 години, Пеле бил задржан во една болница во Сао Паоло, поради болки во стомакот. Поради тоа била откажана промоцијата на неговата книга, што требало да се одржи во неговиот роден град, Сантос.[1]

Клупска кариера[уреди]

Пеле станал член на фудбалскиот клуб Сантос во 1956 год. и го предводел тимот до светското клубско првенство во 1962 год. Во 1969 год. за време на неговиот 909 натпревар, тој го постигнал својот 1.000 гол. Пеле ја комбинирал неговата сила за удар и прецизноста со извонредната способност да ги предвиди чекорите на другите играчи. Во 1975 год. Пеле станал член на „Космос“ од Њујорк во Северноамериканската фудбалска лига (NASL). Тој се повлекол од фудбалот откако го однел тимот во лигашкото првенство во 1977 год. Во 1978 год., Пеле ја добил меѓународната награда за мир, а во 1980 год. бил прогласен за спортист на векот.[2]

Репрезентативни настапи[уреди]

Пеле бил дел од три бразилски национални репрезентации, кои станале светски шампиони (1958, 1962 и 1970).

Наводи[уреди]

  1. „Пеле превентивно заврши во болница“, Дневник, година XVIII, број 5617, петок, 14 ноември 2014, стр. 24.
  2. Британика Енциклопедиски Речник. Топер, МПМ, 2005, Книга 7, стр. 151.