Папрадиште (Велешко)

Папрадиште е село во Општина Чашка, во околината на градот Велес во областа Азот.

Папрадиште
Поглед на дел од селото Папрадиште од планинарскиот дом во селото
Папрадиште Папрадиште (Македонија)
Општина	Општина Чашка
Географски регион
Население	7 жители жители
Поштенски број
Повикувачки број
Надморска височина
Селска слава

Географиja и местоположба

Селото се наоѓа во областа Азот, југозападно од градот Велес во горниот изворишен дел на реката Бабуна. Папрадиште е планинско село сместено на падините на планината Јакупица на надморска височина од 980 метри. Со асфалтен пат е поврзано со селото Богомила од кое е оддалечено 8 километри.

Историja

Папрадиште заедно со Ореше се единствените мијачки села во областа Азот и целиот велешки регион. Селото е формирано од Мијаци од селата Тресонче, Лазарополе, Гари, Галичник во Мијачијата во Западна Македонија кои овде се доселиле бегајќи од нападите на албанските качачки банди.

Економија

Папрадиште има погодни услови за сточарство (особено одгледување на овци) кое било главна гранка на неговите некогашни жители. Денес селото има големи ресурси за селски и планински туризам. Во Папрадиште постои планинарски дом (обновен пред неколку години) и селото е попатна станица на планинарите кои одат да ги освојуваат врвовите Чеплес и Солунска Глава.

Демографија

Во селото живеат 2 жители, Македонци. За време на летото и верските и останати празници во Папрадиште доаѓаат неговите некогашни жители и нивните потомци кои имаат куќи во селото. Во овој период во Папрадиште доаѓаат и до 2000 луѓе, поранешни жители и нивни потомци кои живеат во Велес и Скопје.

Во 1961 година Папрадиште броело дури 716 жители, сите Македонци.

Личности

• Димитар Андонов Папрадишки - основоположникот на европското сликарство во Македонија; првиот македонски профан сликар.
• Андреја Дамјанов - познат градител на многу цркви во Македонија и на Балканот
• Наце Димов - македонски национален деец, брат на Димитрија Чуповски
• Димитрија Чуповски - македонски национален деец, во селото постои спомен плоча посветена на него
• Веле Ѓоргиевски - пратеник од редовите на ВМРО-ДПМНЕ

Во селото Папрадиште се наоѓа убаво уреден планинарски дом со кој стопанисува Еколошката Групација Green Power - Велес .Домот располага со 35 легла,санитарен јазол,потполно опремена кујна, туш кабини и сала за состаноци.Овој дом нуди идеални можности за поединечно или групно сместување за сите кои сакаат да го вдиша и уживаат во убавините на МИЈАЧКИОТ ОСТРОВ. Како грст бисери белите фасади од мијачките куќи се расфрлани низ бујната вегетација од букова и дабова шума.Овде можете да ја вдишете историјата на македонецот низ вековите, да уживате во фрескоживописот на црквата Св Петар и Павле - изградена од ненадминатиот неимар Андреја Дамјанов,а зографисана од на тајфата на Димитар Андонов - Папрадишки.Папрадише е село со богата традиција.Тука е роден македонскиот деец Димитрија Чуповски кој заедно со брат му Наце Димов ги посветија своите животи во борбата на македонскиот народ за национална и социјална слобода и независност.Селото Папрадиште и планинарскиот дом можат да бидат и одлична база доколку имате намера своето патешествие да го продолжите кон Чеплес или Солунска глава.Овде е навистина евидентна "божествената хубавина".Добредојдени сте во Папрадиште !