Паоло Веронезе

Од Википедија — слободната енциклопедија
Прејди на: содржини, барај
Паоло Веронезе
Paolo Veronese

Автопортрет (1558–63)
Националност Италијанец
Познат(а) по сликарство
Политичко движење ренесанса
Гозбата во Левиевиот дом“ (1573), едно од најголемите платна на XVI век. Содржината на сликава довела до истрага од страна на Инквизицијата.

Паоло Веронезе (италијански: Paolo Veronese; 152819 април 1588) — важен венецијански ренесансен сликар. Родено име му било Паоло Калјари или Паоло Калијари (Paolo Cagliari или Paolo Caliari)[1]. Го завикале „Веронезе“ бидејќи родум бил од Верона.

Како младич, Веронезе учел кај локалните венецијански уметници како Џовани Франческо Карото. Потоа за кратко се преселил во Мантова во 1548 (каде насликал фрески во главната катедрала, Дуомо) пред да се врати во Венеција и да ја започне својата плодна кариера.

Веронезе, Тицијан и Тинторето сочинуваат триумвират од најважните венецијански сликари од доцната ренесанса (1500-ти). Веронезе е познат како врвен колорист, како и по своите илузии во фреска и во масло. Највеќето негови дела се комплексни наративни виклуси, изведени во драматичен и разнобоен маниристички стил, полн грандиозни архитектонски окружувања и блескави свечени призори. Особено исклучителни се неговите големи слики на библиски гозби насликани за трпезарии во манастири во Венеција и Верона. Неговото кратко искуство со Инквизицијата често се споменува како увид во сликарските методи и тематики во тоа време.

Сликал и олтари, слики на митолошки теми и портрети. Во цикулација се и голем број на композициони скици во молив, мастило и туш, студии на тела во креда, како и кјароскуро модели и рикорди. Тој стоел на чело на неговата семејна ликовна работилница сѐ до неговата смрт во 1588 год.

Познати дела[уреди]

Наводи[уреди]

  1. Rearick, W. R.: The Art of Paolo Veronese 1528–1588, стр. 20. National Gallery of Art, 1988. На неговата прва позната слиак е потпишан како „P. Caliari F.“ - ова е присвоено презиме, бидејќи по сите наоди може да се заклучи дека неговите родители немале презиме.

Надворешни врски[уреди]