Остен

За други значења на поимот, погл. Остен (појаснување).

Орање со волови. Минијатура од ракопис (ран XVI век), Британски музеј. Орачот десно го збоднува волот со остен, а тој реагира. Забележете го шилото на крајот од остенот.

Остен — традиционално сточарско орудие, кое се користи за збоднување на стока, обично волови кои влечат плуг или кола; се користи и за собирање и втерување на говеда. Ова е вид на долг стап со заострен врв. Од XX век се користат и електрични остени за истата намена. Иако денес многумина се незапознаени со нив, остените се користат ширум светот со илјадници години.