Општина Осломеј
 денес дел од Општина Кичево
|
||||||||||
| Општи податоци | ||||||||||
| Седиште | Осломеј | |||||||||
| Регион |  Југозападен регион |
|||||||||
| Површина | 121,09 км² | |||||||||
| Основање | 2004 | |||||||||
| Службен јазик | македонски и албански | |||||||||
| Демографија | ||||||||||
| Население | 10.425 жители | |||||||||
| - проценка од 31.12.2011 | 10.580 жители | |||||||||
| Густина на население | 86,05 жит/км² | |||||||||
| Населени места | ||||||||||
| Етнички групи | Македонци и Албанци | |||||||||
| Локална управа | ||||||||||
| Градоначалник | Фатмир Дехари (последен градоначалник) | |||||||||
| Совет | 15 члена | |||||||||
| Контактни податоци | ||||||||||
Општина Осломеј била општина во Западна Македонија. Центар на општината било селото Осломеј.Општината била формирана со територијалната поделба од 2004 година, а според предлог-измените за територијална поделба во 2013 општината се припоила кон Општина Кичево, заедно со општините Зајас, Другово и Вранештица[1] со воспоставување на новата локална власт по изборите на 24 март 2013.
Содржина |
Географија [уреди]
Општина Осломеј се наоѓала во Западна Македонија, дел од Југозападниот регион. Општината се наоѓала во Кичевското поле и имала вкупна површина од 121,09 километри квадратни. На север општината граничела со општините Македонски Брод и Гостивар, на запад со Зајас, на исток со Македонски Брод и Вранештица, на југ со Вранештица и на југозапад со Кичево. Во општината се наоѓала планината Добра Вода.
Економија [уреди]
Значаен индустриско-стопански објект во општината бил ТЕЦ Осломеј. Населението воглавно се занимавало со трговија, сточарство и земјоделство.
Иселеништво [уреди]
На добар дел од вкупното население на општината Општина Осломеј не им било место на постојано живеалиште. Албанското население најмногу се иселува во Швајцарија, Германија и Италија.[1]
Демографија [уреди]
Според пописот на население од 2002 година, општината имала вкупно население од 10.425 жители со густина на население од 86,05 жители на километар квадратен. Етничкиот состав на општината бил следниот[2]:
| етникум | број | процент |
| Македонци* | 110 | 1.06% |
| Албанци* | 10.257 | 98.39% |
| Бошњаци | 1 | 0.01% |
| други | 57 | 0.54% |
- * Во општината имало значаен број Македонци-муслимани кои се изјасниле како Албанци поради различни политички причини.
Спроед податоците заклучно со 2011 година, вкупниот број на ученици во Општина Осломеј во 2011 паднал за 36.8% во однос на вкупниот број на ученици во 2007. Осломеј е прва општина по падот на вкупниот број на ученици.[3]
Мајчин јазик на населението според пописот од 2002[4]:
| јазик | број |
| македонски | 103 |
| албански | 10.261 |
| влашки | 1 |
| бошњачки | 1 |
| други | 59 |
Религија на населението според пописот од 2002 година:
| религија | број |
| православие | 98 |
| ислам | 10.260 |
| католицизам | 5 |
| други | 62 |
Администрација и политика [уреди]
Последен градоначалник на општина Осломеј бил Фатмир Дехари од редовите на ДУИ. Општината имала вкупно 15 советници кои го претставувале 17 села од општината.
Во склоп на општина Осломеј биле следниве села: Арангел, Бериково, Гарани, Жубрино, Јагол, Јагол Доленци, Ново Село, Осломеј, Папрадиште, Поповјани, Премка, Србица, Стрелци, Туин, Црвивци, Ќафа и Шутово
Општествени институции [уреди]
- Црква „Св. Меркуриј“ - Србица -денес во урнатини
Културни и природни знаменитости [уреди]
- Археолошки локалитети[5]
- 1 км југозападно од Арангел се наоѓа тврдината Маркулија;
- Манастириште - населба од доцноантичко време;
- Меѓа - старохристијанска базилика;
- Старо Село - средновековна црква и некропола;
- Рајцажет - археолошки локалитет, рудник од доцниот среден [6]
- Бунаричек - археолошки локалитет, средновековна црква.[7]
- Ледина - некропола од средниот век;
- Печарица - населба од доцноантичкото време;
- Трноец - населба и некропола од средниот век;
- Чукле - црква и некропола од доцниот среден век;
- Маркулија - утврдена населба од железното, хеленистичкото и римското време;
- Црква - црква и некропола од средниот век;
- Раковце - средновековна црква и некропола;
- Рид - средновековна црква и некропола;
- Црква - средновековна црква и некропола;
- Латинска Црква - црква од средниот век;
- Кодракалангочит - населба од неолитско време;
Личности [уреди]
- Јоаким Крчовски - македонски преродбеник, роден во Осломеј.
- Ибе Паликуќа - македонска партизанка, починала во Шутово.
- Омер Калеши (р. 1932) - македонски и француски сликар, родум од Србица[8]
- Фатмир Дехари (р. 17 септември 1974) - македонски политичар, заменик министер во МВР, заменик директор во ДБК. Последен градоначалник на општина Осломеј. Висок функционер на паравоената ОНА. Родум од Србица.[9]
Наводи [уреди]
- ↑ 1,0 1,1 „ДУИ бара помош од иселениците“, Нова Македонија (проверено на 2012-11-20). (на македонски)
- ↑ Попис на населението во Македонија, 2002
- ↑ Во основните училишта за 10 години дури 46.500 ученици помалку
- ↑ Попис на Македонија, 2002: јазик, националност, религија
- ↑ Коцо, Димче (1996).Археолошка карта на Република Македонија. Скопје: МАНУ. ISBN 9789989101069
- ↑ Коцо, Димче (1996). Археолошка карта на Република Македонија. Скопје: МАНУ. ISBN 9789989101069
- ↑ Коцо, Димче (1996).Археолошка карта на Република Македонија. Скопје: МАНУ. ISBN 9789989101069
- ↑ „Проекција на филм за Омер Калеши“, Дневник (проверено на 2010-12-26). (на македонски)
- ↑ „Кој е Фатмир Дехари“ (на македонски). Дневник. http://star.dnevnik.com.mk/?pBroj=2000&stID=10223. проверено на 2010-12-26.
Поврзано [уреди]
Надворешни врски [уреди]
- Општина Осломеј во „АБВ - деловен именик“
- Општина Осломеј на „Златна Книга“
- Општина Осломеј на mojsovetnik.org.mk
