Никифор I Константинополски

Од Википедија, слободната енциклопедија
Прејди на: содржини, барај
Никифор I Константинополски
Патријарх на Константинопол
Црква Црква на Константинопол
Од 821
До 837
Претходник Тарасиј I Константинополски
Наследник Теодот I Константинополски
Лични податоци
Деноминација Православие
Седиште Цариградска патријаршија
Занимање Патријарх
Игнатиј (појаснување) Никифор

Никифор I Константинополски бил Патријарх на Константинопол во периодот од 806 до 815 година.

Никифор бил роден во Константинопол. Татко му, Теодор, бил висок чиновник на царскиот дворец, богат и благочестив. Никифор служел неколку години на дворецот во истиот чин како татко му. Но откако ја увидел сета светска суета, се оддалечил на бреговите на Босфорот и таму изградил манастир. Набрзо манастирот се наполнил со монаси, а тој управувал со манастирот не сакајќи самиот да се замонаши, под изговор дека е недостоен.

Пред ова, учествувал на Седмиот вселенски собор како мирјанин, по волја на царот и на патријархот и многу му користел на Соборот со своето извонредно познавање на Светото Писмо.

Кога починал патријархот Тарасиј, Никифор бил избран за патријарх, против неговата волја. Веднаш по изборот го примил монашкиот чин и другите чинови по ред и во 806 година бил востоличен во Света Софија за патријарх. Тоа се случило во времето на императорот Никифор I, кој набрзо потоа објавил војна на Бугарите и загинал. Неговиот син Ставрикиј владеел само два месеци и починал. По ова се зацарил царот Михаил I Рангабе, но владеел само две години, додека царот Лав V Ерменец не го соборил и протерал. Кога ја зацврстил својата власт, патријархот му испратил книга за Православното Вероисповедање за да ја потпише.[1] Но тој не го потпишал, туку го одложил тоа за после крунисувањето. А откако патријархот го крунисал, тој повторно откажал да ја потпише оваа книга и набрзо се објавил себеси како еретик иконоборец[2].

Патријархот се обидел да го посоветува, но тоа не помогнало. Царот насилно го протерал Никифор во прогонство на островот Проконис, каде во 827 или 828 година починал.

Наводи[уреди]

  1. Според обичајот на сите византиски цареви, а што се сметало за заклетва дека ќе се држи и ќе се брани вистинската вера.
  2. „Свети Никифор Исповедник, патријарх Цариградски“ (на Македонски). http://www.mpc.org.mk/Kalendar/prolog.asp?id=1465. конс. 13 февруари 2011.