Небесна Кула

Од Википедија, слободната енциклопедија
Прејди на: содржини, барај
Небесна Кула
Auckland Sky Tower
Sky Tower Collage Auckland.jpg
Поглед на кулата дење и ноќе.
Општи податоци
Место Окленд, Нов Зеланд
Состојба Изградена
Започната 1994
Изградба 1994-1997
Отворање 3 март 1997
Употреба телекомуникации, набљудување, мешана употреба, туризам
Висина
Антена/шилец 328 m
Последен кат 222 m
Технички податоци
Вкуп. површина 5500m2[1]
Лифтови 4
Чинење NZ$76 million[1]
Фирми
Архитект(и) Craig Craig Moller Ltd.[2]
Градеж. инженер Beca Group[2]
Изведувач Fletcher Construction[2]
Градежна фирма Harrah's Entertainment[3]
Сопственик SKYCITY Entertainment Group

Небесната Кула (англ. Auckland Sky Tower) е кула на аголот од улиците Викторија Ст. и Федерал Ст. во центарот на Окленд, Нов Зеланд. Висока е 328 м, од приземјето до врвот на јарболот, и со тоа е највисоката самостојна градба на Јужната Полутопка. Интересно е тоа што архитектот јавно се откажал од своето дело. Кулата е 12-та највисока членка на Светската федерација на големи кули. Оваа кула е дел од казино-комплексот SKYCITY Auckland сопственост на фирмата SKYCITY Entertainment Group.

Намени[уреди]

Покрај забава, кулата служи за телекомуникации и пренос кои простории се наоѓаат на 48-миот спрат. Исто така тука неколку радио станици делат предавател. ТВ компанијата Канвест (во чија сопственост се каналите ТВ3 и Ц4) тука има спореден предавател -- додека нивниот главен предавател е во Ваиатаруа. Горниот дел од кулата има два ресторана (од кои еден е вртлив) и разни нагледни платформи. Кулата има 600.000 посетители годишно или по околу 2 посетитела во минута.

Кулата исто така нуди банџи-скокање, т.н. SkyJump помогнато од кабел од висина од 192 м од една нагледна платформа на кулата.

Изградба[уреди]

Пои две ипол години изградба, кулата била свечено отворена на 3 март, 1997, шест месеци порано од предвидениот рок [1]. При изградбата употребени се 15,000 кубни метри цемент, 2,000 арматура и 660 тони градежен челик. Јарболот тежи повеќе од 170 тони.

Одговорна за изведбата била фирмата Флечер Констракшн. Оваа фирма обезбедила координација, стуктурни, геотехнички, градежни, механички, електрични, водоводни услуги, како и осветлување и противпожарен систем.

Кулата е направена да издржува ветрови посилни од 210 км/ч и да издржува земјотреси низ период од 1000 години. Според анализите, земјотрес со епицентар на 40 раздалеченост и јачина од 7,0 на Рихтеровата скала не ѝ може ништо на кулата. Дури и земјотрес со јачина од 8,0 по Рихтеровата скала, што е речиси невозможно во овие краишта, не може да ја сруши кулата.

Наводи[уреди]

  1. 1,0 1,1 Светска федерација на големи кули - пров. 4 јули 2009
  2. 2,0 2,1 2,2 Небесната Кула на Structurae.com - пров. 4 јули 2009
  3. In Auckland, Life Is Alfresco - New York Times, 5 октомври 1997 (англиски)

Надворешни врски[уреди]

Координати: Erioll world.svg 36°50′54.46″S, 174°45′43.86″E