Национален парк Ракиура

Национален парк Ракиура Rakiura National Park
МСЗП - Категорија II (Национален парк)
Карта на Нов Зеланд
Место	Стјуартов Остров
Најблизок град	ОбанНајблизок град: Обан
Координати	46°54′ ЈГШ 168°07′ ИГД -46.9, 168.116667
Површина	1570 km²
Основан	2002 Основан: 2002
Управен орган	Служба за заштита на природата

Националниот парк Ракиура (англ. Rakiura National Park) е природен резерват на Стјуартовиот Остров/Ракиура во Нов Зеланд. Овој е најновиот од 14-те национални паркови во Нов Зеланд, отворен на 9 март 2002 г. Зафаќа површина од 1.570 km², околу 85% од Стјуартовиот Остров, кој е трет остров по големина во земјата. Во паркот не спаѓа населената област околу Полумесечениот Залив (т.е. гратчето Обан) и некои патишта, како и приватна маорска земја повнатре на копното. Паркот се состои од мрежа од поранешни природни резервати, пејзажни резервати и општествени шуми.

Природознание

Во паркот има популарна планинарска патека наречена Ракиура Трек. Во него живеат најразновидни локални птици, а паркот нуди најдобра можност во земјата за посматрање на птицата киви во дивина. Ова делумно се должи на ограничениот број на невестулки и ласица. Во извесни крајбрежни предели во паркот се размножуваат загрозените жолтооки пингвини.

Видете исто така

• Национални паркови во Нов Зеланд

Наводи

• C. Michael Hogan. 2009. „Жолтоок пингвин: Megadypes antipodes“, GlobalTwitcher.com, уредн. Н. Стромберг (англиски)

Надворешни врски

• Информации за националниот парк Ракиура - Служба за заштита на природата на Нов Зеланд (англиски)

Плажа близу Порт Вилијам Хат на Северното крајбрежје.