Национален парк Артуров Премин

Национален парк Артуров Премин Arthur's Pass National Park
МСЗП - Категорија II (Национален парк)
Карта на Нов Зеланд
Место	Кантербери, Нов Зеланд
Најблизок град	КрајстчерчНајблизок град: Крајстчерч
Координати	42°57′ ЈГШ 171°34′ ИГД -42.95, 171.566667
Површина	1143 km²
Основан	1929 Основан: 1929
Управен орган	Служба за заштита на природата

Селото Артуров Премин

Планинско лутиче (Ranunculus lyallii) во паркот

Поглед на Артуровиот Премин од планината Аваланш Пик

Националниот парк Артуров Премин (англ. Arthur's Pass National Park) е национален парк кој наоѓа на Јужниот Остров на Нов Зеланд.

Основан е во 1929 како прв национален парк на Јужниот Остров и трет во земјата. Низ него поминува автопатот State Highway 73, кој минува низ селото Артуров Премин и продолжува преку истоимениот планински премин на Јужните Алпи на надморска височина од 920 метри. Паркот е под управа на Службата за заштита на природата која во селото Артуров Премин има депо, управни канцеларии и посетителски центар.

Географија

Паркот е мошне карактеристично поделен со главната делница на Јужниот Остров. Источната страна е посува и е покриена со букова шума и широки речни корита, додека пак западната страна е прекриена со густи дождовни жуми. Географијата во најголема мера е производ на древните глечери, образувајќи рамни долини со облик на буквата U. По средината се протега висок планински венец со големи планини со снежни врвови одронети падини.

Паркот ги содржи следниве географски обележја:

• Дел од главната делница на Јужниот Остров, вклучувајќи ги следниве премини - Харман, Ваимакарири, самиот Артуров Премин, Козјиот Премин (на маршрутата Минга-Десепшон), Тарахуна, Ворзли, Минчин и Харпер.
• Врутокот на реката Ваимакарири, со нејзините водопади во непосредна близина.
• Многубројни притоки на реката Ваимакарири, меѓу кои и Били, Пултер, Ходон, Белата, Гаврановата и Анти Гаврановата Река.
• Многубројни притоки на реката Тарамакау, како Отира, Десепшон и Отехаке.
• Мерчисоновата Планина, која со 2400 м е највисока во паркот.

Рекреација

Паркот е популарен за планинарство, скијање и алпинизам.

Најпопуларни планинарски патеки се:

• Минга-Десепшон (по која се одржува трка „од крајбрежје до крајбрежје“)
• Аваланш Пик
• Ходон-Едвардс

Безбедност

Паркот се смета за многу тежок и опасен за планинарење, и во многу случаи бара големо планинарско искуство и опширни познавања од овој слабо населен крај.

Локалните временски услови и прогноза можат да се проверат тука.

Надворешни врски

• За националниот парк Артуров Премин, Служба за заштита на природата на Нов Зеланд (англиски)
• Softrock - мошне корисна страница во сопственост на локален мештанин (англиски)
• Спасувачка служба и итна помош на Артуровиот Премин (англиски)