Национален парк Јазмунд

Од Википедија — слободната енциклопедија
Прејди на: содржини, барај
Национален парк Јазмунд
Nationalpark Jasmund
МСЗП Категорија II (Национален парк)
Nationalpark Jasmund 001.jpg
Карпи и брег во националниот парк
Место Германија Мекленбург-Западна Померанија, Германија
Најблизок град Засниц, Штралзунд
Координати 54°33′07.2″ СГШ 13°37′22.8″ ИГД / 54.552, 13.623
Површина 30 км²
Основан 12 септември 1990
Букови шуми во Карпатите и древни букови шуми во Германија*
Светско наследство на УНЕСКО

Букова шума
Држава Германија, Словачка, Украина
Тип природно
Критериуми ix
Навод 1133bis
Регион** Европа
Записно минато
Запис 2007  (XXXI заседание)
Продолжетоци 2011
* Име според официјален запис на списокот.
** Регион според класификацијата на УНЕСКО.

Националниот парк Јазмунд (германски: Nationalpark Jasmund) е природен резерват на полуостровот Јазмунд, во североисточниот дел на островот Риген, во сојузната покраина Мекленбург-Западна Померанија, Германија. Тој е познат по најголемите кредести карпи во Германија, т.н. Кенигсштул (Königsstuhl; „кралски стол“). Овие карпи се високи до 161 метар над Балтичкото Море. Недопрените букови шуми над и зад карпите се исто така дел од националниот парк.

Протегајќи се на 30 км², ова е најмалиот национален парк на Германија. Паркот бил основан во 1990 од последната влада на Источна Германија, пред повторното обединување на Германија.

На 25 јуни 2011, буковите шуми во националниот парк биле додадени на списокот на УНЕСКО за светско природно наследство, како дел од направеното проширување на буковите шуми во Карпатите и древните букови шуми во Германија.

Кредести карпи[уреди]

Кредестите карпи се соочуваат со постојана ерозија. Со секоја бура, делови од карпите отпаѓаат, вклучувајќи камења и фосили на сунѓери, остриги и морски ежови.

Најизвонреден дел од карпите е 118 метри високиот Кенигсштул (Königsstuhl; „кралски стол“). Еден од најсликовитите делови и најпознат по кредестиот надворешен слој, Висовер Клинкен (Wissower Klinken), паднал во Балтичкото Море на 24 февруари 2005 во лизгање на земјиштето предизвикано од пролетното топење.

Флора и фауна[уреди]

Поради специјалните геолошки карактеристики на Националниот парк Јазмунд, тој е дом на многу ретки растенија и животни.

Постојат многу мали езерца-мочуришта во шумите зад карпите. Во шумите Штубниц постојат бројни неисушени дупки и јами исполнети со вода, многу од нив настанати од леденото доба. Ова е место на многу растенија, како црна јасика, диво јаболко, тиса и видови на орхидеи.

Орнитологистите може да најдат разновидни птици, дел од нив се белоопашест орел, рибарче, градска ластовичка и сив сокол.

Посетители[уреди]

Од неговото основање во 1990, Националниот парк Јазмунд привлекува стотици илјади посетители годишно. Затоа, една од основните задачи на властите на националниот парк е да управува со овој наплив на посетители со цел да обезбеди туристите да не го нарушат и попречат животот на животните, во истовремено обезбедувајќи им на посетителите да ја видат и почувствуваат природата во областа. Во март 2004 бил отворен центарот за посетители, наречен Кенигсштул.

Галерија[уреди]

Надворешни врски[уреди]