Намцо

Намцо
Поглед на езерото и светата карпа од близина на манастирот Таши Дор (2005)
Место	Дамксунг/Баингоин, Тибет
Координати	30°42′N 90°33′E
Тип	солено езеро
Земји во сливот	Кина
Површина	1,870km²
Макс. длабочина	45m
Надм. височина на површината	4,718m
Острови	5

Намцо (официјално Нам Цо, монголски:Тенгри Нур (Небесно езеро)30°42′N 90°33′E) е планинско езеро во Тибет, Кина. Езерото се наоѓа на границата меѓу Дамксунг од префектурата Ласа и Баингоин од префектурата Нагќу, околу 112km северозападно од Ласа.

Географија и клима

Манастирот Таши Дор виден пред езерото

Идилични номадски кампови (2005)

Езерото лежи на надморска висина од 4,718m и зафаќа површина од 1,870km².Езерото е на најголема надморска висина од солените езера во светот и најголемото солено езеро во Тибет. И покрај то, не е најголемото езеро во историјата на географски Тибет. Најголемо, сепак е езерото Кингаи (речиси двојно поголемо), но поради промената на границата од 1965, тоа и припаѓа на Кина и е најголемо езеро во оваа земја.

Во езерото има 5 острови со различна големина, а на едн или два има камена руда. Езерото служело за религиозни намени кои ги извршувале аџиите кои поминувале по неговата ледена површина кон крјот на зимата, носејќи ја храната со себе. Тие ги поминувале летата покрај езерото, оневозможени да се вратат сè додека водата од езерото не замрзнела. Оваа пракса е практикувана и за време на комунистичкиот режим на Кина врз Тибет.

Најголемиот остров се наоѓа во северозападниот дел од езерото и е долг 2,100m, а широк 800m со возвишување до 100m кон средината. Неговата најблиска точка е на 3,1km од брегот.

Највнатрешниот остров е на најблиска оддалеченостѕ од 5,1km од брегот.

Времето покрај Намцо е променливо и често се случува да дојде и до снежни виулици на планинскиот венец Њаинкентагла.

Останати податоци

Езерото Намцо се смета дека е едно од најубавите места на планинскиот венец Њаинкентагла. Пустинските пештери во близина, со векови биле дестинација за тибетанските аџии. Површинскиот пат низ Ларген Ла на надморска висина 5,186m беше завршен во 2005, овозможувајќи полесен пристап до езерото од Ласа, што овозможува развој на туризмот.

Во овааповршина се наоѓаат населбите Добџои, Догар и Чагјунгоинба.

Манастирот Таши Дор се наоѓа покрај југоисточниот дел од езерото.

Во хонгконшкиот филм од 2002 Допир се снимени неколку сцени од езерото.

Постојат некои неточни записи кои велат дека езерото Намцо се наоѓа на најголема надморска виина во светот. Но, оваа констатација е точна за езерото Сенгли кое се наоѓа на надморска висина од 5,386m и зафаќа површина од 92km². Сепак, Намцо е соленото езеро кое се наоѓа на највисока надморска висина во светот.

За езерото Намцо исто така е снимен и документарец на BBC.