MPlayer е пример за повеќеподложен мултимедијален изведувачАрхитектурата на еден мултимедијален изведувач
Мултимедијален изведувач (нефор. „плеер“, од англ.media player) — вид на програм за пуштање на мултимедијалниподатотеки. Највеќето мултимедијални изведувачи поддржуваат низа формати од аудио и видео податотеки.
Некои мултимедијални изведувачи се задржуваат на аудио или видео, и таквите се познати како преслушувачи и видеопрегледувачи. Овие се обично изработени наменски за дадениот вид на медиум и даваат повеќе функции и можности што се однесуваат на тој медиум.
Microsoft Windows се нуди со веќе инсталираниот изведувач Windows Media Player. Најновиот нивни изведувач е Windows Media Player 12, кој е вграден во Windows 7. Mac OS X се нуди со изведувачот Quicktime кој пушта т.н. „Quicktime“ филмови и iTunes кои можат да содржат најразлични мултимедијални формати. Winamp поддржува iPod (од Apple) и други преносни уреди како Zen (од Creative), но истовремено поддржува преслушување и прегледување на аудио и видео. Linux вградува најразлични мултимедијални изведувачи, меѓу кои Amarok, VLC, MPlayer, Xine и Totem.
Многу мултимедијални изведувачи користат библиотеки. Библиотеката е наменета за лесно организирање или каталогизација на музиката во категории како правец, година, котирање и др. Добри примери за вакви изведувачи се Winamp, Windows Media Player, iTunes, RealPlayer, Amarok и ALLPlayer.
Постоајт разни мултимедијални изведувачи, наменети за аудиоснимки, видеоснимки или обете. Во однос на лиценцата, ваквите програми можат да бидат слободни или сопственички (заштитени).
