Московски уметнички театар

Од Википедија — слободната енциклопедија
Московски уметнички театар
Московский Художественный Академический Театр
Чеховскиот Московски уметнички театар денес
Град
Земја Русија
Отворен 1898


Ентериерот на стариот МУТ, 1902 година

Московскиот уметнички театар (руски: Московский Художественный Академический Театр) е руски театар специјализиран во театралниот натурализам. Бил основан во 1898 година од Константин Станиславски (уметнички директор) и Владимир Немирович Даншенко (административен директор) со единствена цел да се замени старомодното историско играње и режирањето со поедноставен и пореален стил. Театарот бил отворен со делото на Алексеј Толстој „Цар Фјодор Иванович“ (Царь Фёдор Иоаннович), а првиот голем успех го постигнал со делото на Антон Чехов „Галебот“ (Чайка). Покрај делата на Чехов, театарот поставил нови дела како на Максим Горки и Морис Матерлинк. Трупата на театарот со одушевување била примана на турнеите низ Европа и Америка во 1922 година и изврши влијание врз подоцнежниот развој на театарот низ целиот свет. Од 1939 година познат е како „Московски академски уметнички театар“ (Московский Художественный Академический Театр).[1]

Наводи[уреди | уреди извор]

  1. Британика Енциклопедиски Речник. Топер, МПМ, 2005, Книга 6, стр. 171.