Мирославци
Мирославци Μυροβλήτης | |
---|---|
Координати: 40°20.19′N 20°55.42′E / 40.33650° СГШ; 20.92367° ИГДКоординати: 40°20.19′N 20°55.42′E / 40.33650° СГШ; 20.92367° ИГД | |
Земја | Грција |
Област | Западна Македонија |
Округ | Костурски |
Општина | Нестрам |
Општ. единица | Грамошта |
Надм. вис. | 1.180 м |
Население | |
• Вкупно | иселено |
Часовен појас | EET (UTC+2) |
• Лете (ЛСВ) | EEST (UTC+3) |
Мирославци или Мирославица (грчки: Μυροβλήτης, Мировлитис; до 1928 г. Μυροσλάβιτσα, Мирославица;[1]албански: Masllavica) — поранешно село во Нестрамско, Егејска Македонија, денес во општината Нестрам во областа Западна Македонија, Грција.
Географија[уреди | уреди извор]
Мирославци се наоѓало крај изворите на реката Коница (Сарандапорос) меѓу планините Горуша од исток и Аренес од запад. Иако административно е во Македонија, Мирославци географски му припаѓа на Епир.
Историја[уреди | уреди извор]
Во Отоманското Царство[уреди | уреди извор]
Селото првично било македонско, но населението го напуштило немирното време на крајот од XVIII век, а на негово место се доселиле Албанци муслимани.[2] На крајот од XIX век Мирославци било големо село во Костурската каза. Според статистиката на Васил К’нчов („Македонија. Етнографија и статистика“) во 1900 г. Мирославци (Мирославъ) имало 230 жители Арнати муслимани.[3] За време на Илинденското востание на 7 септември 1903 г. во Мирославци влегла големата чета на Васил Чакаларов и го запалила.[2][4]
Грчката статистика од 1905 г. го води Мирославица како село со 150 жители „Турци“.[5] Во тоа време Грците ги воделе албанските муслимани како „Турци“, без оглед на тоа дали самите се изјаснувале така.
Во Грција[уреди | уреди извор]
За време на Балканските војни селото било окупирано од грчка војска и во 1913 г. влегло во состав на Грција согласно Букурешкиот договор. Таа година населението броело 45 жители, кои во 1920 г. се зголемиле на 87 лица.[2] Во 1928 г. селото е преименувано во Мировлитис, кога имало 92 жители.
Мирославци се распаднало за време на Граѓанска војна (1946-1949) и малкуте преостанати семејства се иселиле во Албанија.[2]
Население[уреди | уреди извор]
Еве преглед на населението во сите пописни години, од 1940 г. до денес:
Година | 1940 | 1951 | 1961 | 1971 | 1981 | 1991 | 2001 | 2011 |
---|---|---|---|---|---|---|---|---|
Население | 194 | — | — | — | — | — | — | — |
- Извор за 1940-1991 г.: Т. Симовски, Населените места во Егејска Македонија
Наводи[уреди | уреди извор]
- ↑ „Μετονομασίες των Οικισμών της Ελλάδας“. Πανδέκτης: Name Changes of Settlements in Greece. Посетено на 12 април 2021.
- ↑ 2,0 2,1 2,2 2,3 Симовски, Тодор Христов (1998). Населените места во Егеjска Македониjа (PDF). II дел. Скопjе: Здружение на децата-бегалци од Егејскиот дел на Македонија, Печатница „Гоце Делчев“. стр. 32. ISBN 9989-9819-6-5.
- ↑ Кѫнчовъ, Василъ (1900). Македония. Етнография и статистика. София: Българското книжовно дружество. стр. 267. ISBN 954430424X.
- ↑ Дневници и спомени за Илинденско-Преображенското въстание. София: Издателство на Отечествения фронт. 1984. стр. 65.
- ↑ Mapping Migration in Kastoria, Macedonia. Mirovlitis Архивирано на 4 март 2016..
|