Мементо (филм од 1967 година)

„Мементо“
Режисер	Димитрие Османли
Сценарист	Димитрие Османли Јован Бошковски Ташко Георгиевски
Главни улоги	Стево Жигон Рената Фрискорн Драги Костовски Нада Гешоска Петре Прличко Предраг Ќерамилац Тодор Николовски Коле Ангеловски Кирил Ќортошев Вукосава Донева Димитар Гешоски Божо Софрониевски
Жанр	психолошки
Музика	Бојан Адамич
Дистрибутер	Вардар филм
Премиера	1967
Времетраење	97 мин.
Земја	СР Македонија
Јазик	македонски

Мементо e македонски игран филм од 1967 година, режија на Димитрие Османли, кој е и еден од авторите на сценариото, заедно со Јован Бошковски и Ташко Георгиевски. Главните улоги ги играат: Драги Костовски, Нада Гешоска, Петре Прличко, Предраг Ќерамилац, Рената Фреинскорн, Стево Жигон и Тодор Николовски. Монтажер е Маја Лазаров, а музиката ја компонирал Бојан Адамич. Фимот трае 97 минути, а снимен е во црно-бела техника, со 35 милиметарска камера.

Кратка содржина

Еден ден спроти земјотресот во Скопје, се запознаваат Вили Милер (Стево Жигон), германски диригент на пропатување низ Македонија, и Јана (Рената Фреискорн), млада девојка, студентка. Нивната повторна средба е после неколку години кога Вили Милер диригира концерт на Средбата на солидарноста во Скопје. Тие неколку дена минати заедно се исполнети со своевидна реминисценција на Јана за доживеаната семејна трагедија, за нејзините лутања и барање начин повторно да се започне животот, запрен во денот на земјотресот. Можноста да замине со Милер е привлечна, но Јана останува во Скопје. Нејзиното место е покрај момчето Гого (Предраг Ќерамилац) за кое ја врзува вистинска љубов.

Надворешни врски

• Мементо на IMDb
• Кинотека на Македонија