Меделпад

Меделпад Medelpad
Знаме
Земја	Шведска
Крај	Норланд
Округ	Вестернорланд
Површина
- Вкупна	7,058 km2 (2,7 sq mi)
Население (2009)
- Вкупно	123.397
- Густина	17,5/km2 (45,3/sq mi)
Народ
- Наречје	норлендско
Култура
- Цвет	смрека
- Животно	планински зајак
- Птица	крстоклун
- Риба	гргеч
Часовен појас	CET (UTC+1)
- Лете (DST)	CEST (UTC+2)
Пошт. бр.

Меделпад (швед. Medelpad ) е историска покраина (landskap) во северниот дел на Шведска. Се граничи со покраините Хелсингланд, Херједален, Јемтланд, Онгерманланд и Ботнискиот Залив.

Покраината е дел од крајот Норланд и како таква се смета за Северна Шведска, иако географски е сместена во средината на земјата. Интересно е што името на покраината не се однесува на ова, туку на фактот што најголемиот дел е сместен помеѓу реките Јунган и Индалселвен.

Управа

Традиционалните покраини во Шведска немаат административна и политичка улога, туку претставуваат културно-историски целини. Меделад го опфаќа јужниот дел на административниот округ Вестернорланд.

Географија

Покраината е на просечна надморска надморска височина од 200-300 м. Највисока планина е Микелмирберјет (577 м). Околу 500 км² отпаѓа на водни површини. Најголемо езеро е Холмхен, на 200 м надморска височина, проследено од Леринген на приближно иста висина.

Околу покраината се протегаат две позначајни реки: Јунган and Индалселвен.

Историја

Во минатото, единственото населено место со статус на град е Сундсвал, доделен во 1624. Сундсвал и денес е најголемиот град во покраината, со 50.000 жители. Меделпад има вкупно 120.000 жители.

Знаменитости

Крајбрежјето на Ботнискиот Залив, наречено Висок Брег (Höga Kusten), е прогласено за светско наследство на УНЕСКО. Тлото се искачува по еден сантиметар годишно, како последица од последното Ледено доба кое траело сè до VII милениум п.н.е.

Култура

Симбол на покраината е планиснкиот зајак, иако поголема популарност ужива измисленото животно сквадер (мешавина од зајак и тетреб).

Надворешни врски

• Средна Шведска - туристички портал на Меделпад и Онгерманланд