Маринска палата (Киев)
50°26′54″N 30°32′15″E / 50.44833°N 30.5375°E
| Маринска палата Маріїнський палац |
|
 |
|
| Податоци | |
|---|---|
| Локација | Киев |
| Земја | Украина |
| Архитект | Бартоломео Растрели Иван Мичурин |
| Клиент | Претседател на Украина |
| Завршена | 1755 |
| Стил | барок |
Маринска палата (украински: Маріїнський палац) е официјалната резиденција на претседателот на Украина, која се наоѓа во Киев, Украина. Палатата граничи со парламентот на Украина. Објектот бил изграден во стил на барок и се наоѓа на брегот на реката Днепар.
Палатата започнала да се гради во 1744 година, во времето на руската царица Елисавета Петровна, а била дизајнирана од страна на Бартоломео Растрели, најпознатиот архитект во руската империја од тоа време. Еден од студентите на Растрели, Иван Мичурин, заедно со група на други архитекти, ја завршиле палата во 1752 година. Палатата за прв пат од царското семејство била посетена во 1787 година, од Катерина II.
Кон почетокот на 19 век, објектот бил опожарен. Бо 1870 година, Александар II ја реконструирал палатата а како главен архитект бил Константин Мајевски.
За време на Руската граѓанска војна во 1917-1920, палатата била користена како штаб, особено во текот на Киево-болшевичкото востание. Во 1920-тите години, зградата била претворена во музеј. Во текот на Втората светска војна, зградата била многу оштетена, а обновена кон крајот на 1940-тите. Друга голема реставрација објектот доживеал во 1980-тите години.
