Мариго

Од Википедија — слободната енциклопедија
Прејди на: содржини, барај
Мариго
Marigot
Мариго
Мариго се наоѓа во Свети Мартин
Мариго
Координати: 18°04′23.16″ СГШ 63°04′55.92″ ЗГД / 18.0731, -63.0822
Земја Франција
Прекуморска заедница Свети Мартин
Население (2006)
 • Вкупно 5.700 жит.
Поглед на Мариго

Мариго (француски: Marigot) е најголемото населено место и главен град на француската страна на островот Свети Мартин.

Население[уреди]

Населението брои 5.700 жители[1]

Географија и клима[уреди]

Мариго е сместен на западниот брег на островот Свети Мартин. Се протега од брегот на запад по должината на заливот Мариго, а на исток до ридовите во внатрешноста на островот. На југоисток се граничи со Симпсоновиот Залив.

Транспорт[уреди]

Градот го опслужува меѓународниот аеродром „Принцеза Јулијана“ и аеродромот „Л'Есперанс“. Има и траект кој оди до Блоуинг Поинт во Ангилја.

Историја и знаменитости[уреди]

Местото првобитно било рибарско село крај мочуриштето, по кое е наречено. Во времето на Луј XVI, Мариго станал главен град по изградбата на утврдувањето Сен Луј на ридот близу заливот Мариго. Денес ова е најважниот објект во местото.

Мариго е типично карипско место со шарени куќи и кафеани по тротоарите. Пазарни денови се среда и сабота. По пазарите се продаваат најразлични производи - од тропско овошје и зеленчук како кокос, авокадо, сладок компир, разни зачини, риба, па до локални ракотворби и облека.

Во 1998 г, тука е сниман дел од филмот „Брзина 2“, кога бродот „Сиборн Леџенд“ се урива во островот.

Поврзано[уреди]

Наводи[уреди]

  1. Попис 2006 г.

Надворешни врски[уреди]

Свети Мартин - портал „Географија“ (англиски)