Марена (Теарце)

Марена — археолошко наоѓалиште во тетовското село Теарце. Претставува населба од римското време и средновековна црква. Се наоѓа на околу 500 м јужно од селото, во нивите што се наоѓаат под патот, каде се среќаваат фрагменти од керамички садови, питоси и множество градежен материјал. Во 1954 година, со истражувањата извршени од Археолошкиот музеј од Скопје на чело со Блага Алексова, биле откриени урнатини од еднокорабна црква со нартекс и остатоци од живопис. Денес таа е возобновена и е посветена на Св. Марена. Од наоѓалиштето потекнува надгробна плоча со латински натпис која се чува во Музејот на тетовскиот крај.

Поврзано

• Црква „Св. Марена“ — денес возобновената црква на местото каде е пронајдена средновековната црква;
• Бигор Слатински — населба од доцната антика;
• Градиште — населба од доцноантичко;
• Железничка Станица — населба од римско време;
• Црквиште — црква и некропола од средниот век;