Македонски железници

Амблемот на Македонски железници

Карта на железничката мрежа во Македонија

Македонски железници е јавно претпријатие за железничка инфраструктура на Република Македонија.

Железничка мрежа

Железничката мрежа во Република Македонија има:

• 699 km отворени пруги
• 226 km станични колосеци
• 102 km индустриски колосеци

Железнички линии

Амблемот на „Македонски железници Инфраструктура“

• граница со Србија - Табановце - Куманово - Скопје - Велес - Градско - Гевгелија - граница со Грција (како дел од коридор X, единствена електрифицирана железничка линија во Република Македонија)

• Куманово - Бељаковце (во ремонт и градба до Крива Паланка и граница со Бугарија, како дел од коридор VIII)

• Градско - Шивец (до индустријата за фероникел крај Кавадарци)

• граница со Косово - Волково - Ѓорче Петров - Скопје

• Ѓорче Петров - Тетово - Гостивар - Зајас - Кичево (која треба да се продолжи до Охрид и Струга и граница со Албанија, како дел од коридорот VIII)

• Зајас - Тајмиште (до рудникот за железна руда)

• Велес - Прилеп - Бакарно Гумно - Битола - Кременица - граница со Грција (како дел од коридор Х)

• Бакарно Гумно - Сопотница (до рудникот за железна руда)

• Велес - Овче Поле - Штип - Кочани

Возен ред

Возниот ред е определен согласно Објавата на Македонски железници за 2010 година.

• Интеррегионална линија 6903: Кичево - Длапкин Дол - Строгомишта - Зајас - Падалиште - Лакавица - Гостивар - Врановци - Жеровјане - Брвеница - Тетово - Ратае - Јегуновце фабрика - Јегуновце - Орашје - Радуша - Сулари - Сарај - Ѓорче Петров - Скопје Север - Железарница.

Историја

Првата железница на територијата на Република Македонија е од времето на Османлиското царство.

На 9 август 1873 година со железница се поврзани Скопје и Солун. Оваа железничка врска, која подоцна е продолжена до Косовска Митровица, е именувана Македонски железници.

Македонски железници, повеќе пати го менувалe името од своето формирање како железничко претпријатие во 1945 година:

• 1945 Државна дирекција за железници – Скопје во рамки на сојузната југословенска управа
• 1963 Железничко транспортно претпријатие – Скопје
• 1977 Железничкa транспортна организација – Скопје
• 1989 Јавно претпријатие Македонски железници – Скопје
• 2007 Јавно претпријатие за железничка инфраструктура Македонски железници – Скопје
• 2007 Акционерско друштво за транспорт Македонски железници Транспорт – Скопје

Надворешни врски

• Македонски железници - Официјална страница на МЖ
• [2] - се за МЖ