Маварско освојување на Пиринејскиот полуостров

Мaварското освојување на Иберискиот полуостров (711-718) започнало во времето кога арапските Маври ги нападнале државите на Визиготите, кои се наоѓале на Иберискиот полуостров. Генералот Тарик Ибн-Зијад, предводел војска претежно составена од Бербери го преминал протокот од афричката кон европската страна и го освоил Гибралтар. По осум години, Маврите успеале да заземат голем дел од Иберискиот полуостров, освен северозападните региони Астурија и поголем дел од Баскија. Територијата која била освоена била позната под името Ал Андалуз.

Хронологија

• 6 век, Визиготските племиња станале феудални господари
• 612 година, кралски декрет, според кој еврејското население морало да премине во христијанската вера или ќе им биде одземено нивното богатство и имот
• 710 година, Тарик ибн Малук навлегол на полуостровот со околу 400 војници и 100 коњаници
• 711 година, Емир Муса ибн Нусаир, гувернер на Северна Африка, го испратил Тарик ибн Малук повторно на полуостровот
• 711 година, Битка кај Гвадалета. Генералот Тарик со околу 7.000 војници успеал да го порази кралот Родерик со околу 25.000 војници
• 712 година, Маврите започнале да ги зазимаат јужните градови на полуостровот
• 715 година, Емир Муса влегол во Дамаск со голем број на робови донесени од полуостровот
• 717 година, Маврите ја нападнале Франачката држава
• 719 година, престолнината била преместена од Севилја во Кордоба
• 732 година, Емир Абдул Рахман ибн Абдалух Ал Гафики пристигнал до Жиронда
• 732 година, Битка кај Поатје, во која Маврите доживеале пораз