Ли Чангчун

Ли Чангчун

Ли Чангчун (кин. 李长春, пин-јин: Lǐ Chángchūn; р. февруари, 1944 во Далиан, Лиаонинг) е началник за пропаганда на Комунистичката партија на Кина (КПК). Со оваа функција тој се рангира на 5-то место во Постојаната комисија на Политбирото на КПК, де факто врховниот орган на власта во Кина, каде членува од 2002 г. Пред тоа служел како управник на покраините Лиаонинг и Хенан.

Биографија

Дипломирал електротехника на Харбинскиот технолошки институт во 1966 г.

Во 1983, на возраст од 39 години станал најмладиот градоначалник и партиски секретар на позначаен град во земјата - Шенјанг, главниот град на Лиаонинг. Во 1987 станал управник на покраината, и на функцијата се задржал сè до 1990 г. Под негово раководство, во покраината е изграден првиот експресен автопат во Кина, поврзувајќи ги градовите Шенјанг и Далиан.

Во 1990-тите Ли за кратко време служел како партиски шеф на земјоделската покраина Хенан. Потоа се преселил во Гуангдунг и станал тамошен покраински секретар на партијата и предводел стопански реформи.

Во 1998 Ли бил унапреден и назначен за член на Политбирото на КПК (повторно најмлад од сите членови), а во 2002 г. станал и член на Постојаната комисија, откако заминал во пензија генералниот секретар на КПК Џианг Цемин. Моментално Ли нема друга државна фукција.

Надворешни врски

• Биогарфија на Ли Чангчун на China Vitae (англиски)

Политички функции
Претходник Чиен Шужен	Управник на Лиаонинг 1987 – 1990	Наследник Јуе Чифенг
Претходник Ченг Вејгао	Управник на Хенан 1990 – 1992	Наследник Ма Џунгчен
Претходник Лин Сјао	Претседател на Народниот конгрес на Хенан 1993 – 1998	Наследник Жен Кели
Партиски функции
Претходник Хоу Цунгбин	Секретар на Комитетот на КПК за Хенан 1992 – 1998	Наследник Ма Џунгчен
Претходник Сје Феј	Секретар на Комитетот на КПК за Гуангдунг 1998 – 2002	Наследник Џанг Деџианг