Лаура Бјаџоти

Лаура Бјаџоти (итал. Laura Biagiotti, родена во 1943 година во Рим, Италија) е италијанска модна креаторка.

Биографија

Лаура Бјаџоти студирала книжевност во Рим, а имала желба да стане археолог. Во светот на модата влегла така што почнала да ѝ помага на својата мајка која работела како кројачка, а својата прва колекција ја претставила во 1972 година.

Извесно време живеела во Пекинг, а била и првиот италијански моден креатор кој ја претставил својата колекција во Кина, на 25 април 1988 година.

Лаура Бјаџоти е претседател на Комитетот Леонардо, здружение кое ја доделува годишната награда на италијанските дизајнери за нивните придонеси во подобрување на сликата на Италија во светот.

Награди

• На венецијанскиот филмски фестивал во 1985 година ја добила специјалната награда Златен лав за мода.
• Во 1992 година во Њујорк ја примила наградата за Жена на годината.
• Една година подоцна во Пекинг ѝ е доделена наградата Марко Поло.
• Во 1995 год. добила признание за својата работа од страна на тогашниот италијански претседател Оскар Луиџи Скалфаро.
• Во 2002 година, во част на 30 години од кариерата, италијанската Пошта издала марка посветена на Лаура Бјаџоти во вредност од 0,41 евра.
• Во април 2004 година изабрана е за моден советник во националната Комора за мода.
• Во 2007 година во Венеција ѝ е деделена наградата Златен лав за мода, во рамките на филмскиот фестивал во Венеција.

Историски модни ревии

• 25 април 1988 год.: во Пекинг 30 манекенки ги носат најзначајните креации на Лаура Бјаџоти.
• 5 февруари 1995 год.: Лаура Бјаџоти е првиот италијански моден креатор кој ја претставил својата колекција во Москва.
• 1997: На покана од Сузан Мубарак, сопруга на египетскиот претседател, италијанската креаторка ја претставува својата колекција во Каиро, во корист на локалниот Црвен крст.

Надворешни врски

• Официјален сајт (италијански) (англиски)
• Презентација на Комитетот Леонардо (англиски) (италијански)