Лауерс
Лауерс (западнофризиски и холандски: Lauwers) е река во Холандија што образува дел од границата помеѓу покраините Фризија и Гронинген. Од 730-тите до поразот на војводата Видукинд во 785 г. реката ја исцртувала границата на Саксонија со Франкиското Царство.
Реката извира како мал поток кај селото Сурхејстервен. По реката е наречено вештачкото Лауерско Езеро (Lauwersmeer), кое порано било природно и се нарекувало Lauwerszee. Недалеку од Геркесклостер/Стробос го пресекува каналот „Принцеза Маргарита“.
Лауерс станува вистинска река во подолното течение, откако ќе ја прими притоката Стар Варт (Oude Vaart) кај Схалкендам. Во подолниот тек се разгранува на два ракава: фризискиот Стар Лауерс (Oude Lauwers) и Зејлдип, во покраината Гронинген.
На крајот од течението, Лауерс се влева во Ваденското Море во теснецот помеѓу островите Схирмониког и Ротумерог, кој може да е смета и за продолжеток на самата река.
Галерија[уреди | уреди извор]
-
Брана (1882) на Лауерс кај Мунекезејл -
Лауерс кај Висвилет -
Стар Лауерс кај Легте -
Зејлфип во Питерзејл
.jpg)
