Лагор
| Лагор Λάγουρα | |
|---|---|
  Лагор | |
|
Местоположба во областа   Лагор | |
| Координати: 40°25.31′N 21°17.53′E / 40.42183° СГШ; 21.29217° ИГД | |
| Земја | Грција |
| Област | Западна Македонија |
| Округ | Костур |
| Општина | Рупишта |
| Општ. единица | Рупишта |
| Население | |
| • Вкупно | иселено |
| Часовен појас | EET (UTC+2) |
| • Лете (ЛСВ) | EEST (UTC+3) |
Лагор или Лагур (грчки: Λάγουρα, Лагура) — поранешно село во Населичко, Егејска Македонија, на територијата на денешната општина Рупишта на Костурскиот округ во Западна Македонија, Грција.
Географија[уреди | уреди извор]
Остатоците од селото се наоѓаат на 5 км југоисточно од Рупишта, на левиот брег на реката Бистрица.
Историја[уреди | уреди извор]
Во Отоманското Царство[уреди | уреди извор]
Во 1769 г. албански банди уништиле седум села во областа — Грамошта, Линотопи, Ветерник, Пискохори, Лагор, Омотско и Загар.[1] Селото е обновено на крајот од XVIII до почетокот на XIX век од Власи преселени од уништеното Москополе.[2]
Црквата „Успение на пресв. Богородица“ е изградена во 1860 г. врз урнатините на постар храм.[3] Според статистиката на Васил К’нчов („Македонија. Етнографија и статистика“) во 1900 Лагор имал 60 жители „Грци“.[4]
На Етнографската карта на Битолския Вилает од 1901 г. Лагор е чисто македонско село во Костурската каза на Горичкиот санџак со 15 куќи.[5]
По податоци на егзархискиот секретар Димитар Мишев („La Macédoine et sa Population Chrétienne“), во 1905 г. во Лагор имало 75 Власи.[6]
Според Георги Константинов Бистрицки Лагор пред Балканските војни имал 12 „грчки“ куќи.[7]
На етничката карта на Костурското братство за 1912 г. Лагуръ е означено како „грчко“ село.[8]
Од овие навидум противречни податоци може да се заклучи дека жителите на Лагор биле погрчени Власи.
Во Грција[уреди | уреди извор]
За време на Балканските војни селото е окупирано од грчка војска и во 1913 г. влегло во состав на Грција согласно Букурешкиот договор. Таа година населението броело 29 жители кои во 1920 г. се намалиле на 16.[9] На пописот од 1928 г. селото се води со 16 жители. Поради неповолните услови за живот малку подоцна селото е напуштено, а нејзините жители се преселиле во соседното село Витан.[9]
Познато е дека во периодот по Граѓанската војна 1 лице родено во Лагор се иселило во прекуокеанските земји.[10]
Културни и природни знаменитости[уреди | уреди извор]
- „Успение на пресв. Богородица“ од 1860 г.
Наводи[уреди | уреди извор]
- ↑ Ανάτυπον από το Λεξικογραφικόν Δελτίον, σ.52 -Τομ. ΚΕ΄, Αθήνα 2005 της Ακαδημίας Αθηνών.
- ↑ „Η Παναγία Παραμυθία η Βατοπαιδινή. Η εικόνα της στη Λάγουρα Άργους Ορεστικού {μέσα του 19ου αι.}“. Φως της Καστοριάς. 18 март 2020. Посетено на 20 март 2020.
- ↑ „Παρεκλήσια“. Ι.Ν.Αγίας Παρασκευής Άργους Ορεστικού. Архивирано од изворникот на 28 јануари 2022. Посетено на 24 август 2015.
- ↑ Кѫнчовъ, Василъ (1900). Македония. Етнография и статистика. София: Българското книжовно дружество. стр. 268. ISBN 954430424X.
- ↑ Михајловски, Роберт, уред. (2017). Етнографска карта на Битолскиот вилает (PDF). Каламус. стр. 98.
- ↑ Brancoff, D. M (1905). La Macédoine et sa Population Chrétienne : Avec deux cartes etnographiques (PDF). Paris: Librarie Plon, Plon-Nourrit et Cie, Imprimeurs-Éditeurs. стр. 182–183.
- ↑ Бистрицки (1919). Българско Костурско (PDF). Ксанти: Издава Костурското Благотворително Братство „Надежда“ в гр. Ксанти. Печатница и книжарница „Родопи“. стр. 9.
- ↑ Костурско. Софија: Издание на Костурското братство. 1940.
- ↑ 9,0 9,1 Симовски, Тодор Христов (1998). Населените места во Егеjска Македониjа (PDF). II дел. Скопjе: Здружение на децата-бегалци од Егејскиот дел на Македонија, Печатница „Гоце Делчев“. стр. 28. ISBN 9989-9819-6-5.
- ↑ „Mapping Migration in Kastoria, Macedonia. Lagouri. Mapping Migration in Kastoria“. Архивирано од изворникот на 4 март 2016. Посетено на 27 август 2016.
| ||||||||||||||||||