Костурски дијалект

  Костурски дијалект на картата на македонските дијалекти

Костурски дијалект спаѓа во Југозападна група на Источно и јужно македонско наречје. Се зборува во Костурско, Егејска Македонија, областа Корешта, северно од градот Костур, како и селата Врбник и Билишта, денес во Албанија. Денес, дијалектот се среќава во говорна форма, но во минатото го среќаваме и во пишана форма, на пр. весниците Нова Македонка и Единство. Најстарите податоци за говорот од Костурско ги среќаваме во „Македонски лексикон од XVI век“ (Un Lexique Macedonien du XVI siecle), кој содржи повеќе од 300 зборови и фрази од село Богатско.

Фонолошки карактеристики

• старословенските гласови Ѫ (он) и Ѧ (ен) преминале во 'н , 'м , ен, ем : д'нб (даб), п'нт (пат), гр'нди (гради), з'мп (заб), г'мба (габа), ендар, говендо, гренда, ерембица
• замена на старословенските ерови Ъ > о, Ь > е : вошка, сон, дош, свекор, пекол, ден, темен, тенка
• на местото на старословенските *tj, *dj се среќава шч и ж, поретко жџ  : свешча, лешча, вежџа, межа, вежџа; понекогаш ќ и ѓ : куќа, гаќи, миѓу
• испуштање на буквата т при членувањето на именките за м.р. : брато, градо

Морфолошки карактеристики

• сегашно време 1л.ед. со а : ода (одам), плета (плетам), пренда (предам)
• употреба на суфиксот -нишча за множина на зборови ср.род: кученишча, поленишча
• употреба на предлозите во и со
• глаголски конструкции со имам : Јас им правено.
• остатоци од групата чере заедно со цр : црн, черно, череша

Лични заменки

Еднина

• Јас
• Ти
• Тој
• Таа
• Тоа

Множина

• Ниe
• Виe
• Тиа

Надворешни врски

• Македонски лексикон од XVI век