Коле Мангов
| Коле Мангов | ||
| Роден | 2 август 1940 Баница, Егејска Македонија | |
|---|---|---|
| Починал | 1 јануари 2013 Скопје, Македонија | |
| Националност | Македонец | |
| Занимање | поет, публицист, борец за човекови права и апелациски судија | |
Коле Мангов (2 август 1940 во Баница (Леринско), Егејска Македонија — 1 јануари 2013 во Скопје, Македонија) ― македонски поет, публицист, судија и борец за човекови права.[1][2]
Животопис[уреди | уреди извор]
Мангов е роден во селото Баница, Леринско, Егејска Македонија.
Завршил Правен факултет во Скопје, а работниот век го поминал како судија во Апелациониот суд, Скопје. Бил член на Друштвото на писателите на Македонија од 1977 година.
Македонската јавност го памети како борец за човековите права, со особена посветеност на правата на Егејците во Грција. Тој како член на Уставната комисија дал свој придонес и во создавањето на првиот Устав на Република Македонија. Бил претседател и на невладината организација „Достоинство“, преку која неуморно се борел за интернационализирање на „македонското национално прашање“, како и за ширење на вистината за грчко-македонскиот спор. На домашната политичка сцена, тој важел за десничар кој ја зазел страната на „македонистите“ во судирот во ВМРО-ДПМНЕ, жестоко критикувајќи го Љубчо Георгиевски за неговите пробугарски ставови.[2]
Дипломатска борба[уреди | уреди извор]
Неговата посветеност на борбата за признавање на прекршените права на македонското малцинство во Егејскиот дел на Македонија (од кое и тој бил дел), ја кренал на многу високо ниво и остварувал лична комуникација со видни политичари и дипломати од сиот свет, како што се: Романо Проди, Меделин Олбрајт, Бутрос Гали, разни претседатели на држави и шефови на дипломатии. Неговата неуморна работа и приказ на големата неправда нанесена кон македонскиот народ е дел и од официјалниот извештај на Human Rights Watch/Helsinki.[3]
Негови колумни, полемики и писма, можат да се сретнат низ сите дневни весници во Македонија, но и во странски магазини и весници, каде застапен преку неговата поезија, а некаде како борец за човекови права.
Во едно обраќање во медиумите тој сосема прецизно ја доловува формулата, како според него треба секој поединец да настапува, во заштита на човековите права:[2]
„Очекувам писма да бидат испраќани и од вас како читатели до многу релевантни личности. Би требало да станеме поактивни околу ова прашање за да престане употребата на кратенката ФИРОМ. Не е збор за спор за името! Зошто нашата власт не ѝ врати на Грција со „поранешна турска провинција Грција“...Негацијата на Македонците како малцинство во Грција помина во негација на Македонците како нација. Јас, без знаење на англискиот јазик, толку можам...“
Објавени книги[2][уреди | уреди извор]
- „Гладострав“ [4] (поезија, 1975)
- „Вик“[5] (поезија, 1979)
- „За македонските човекови права“ (публицистика, 1995)
- „Во одбрана на македонскиот национален идентитет“ (публицистика, 1998)
Наводи[уреди | уреди извор]
- ↑ Македонски писатели/Macedonian writers, Друштво на писатели на Македонија, 2004, стр. 147.
- ↑ 2,0 2,1 2,2 2,3 „Почина Коле Мангов“. Утрински весник. 3 јануари 2013. На
|first=му недостасува|last=(help) - ↑ „DENYING ETHNIC IDENTITY“ (PDF). 1994. На
|first=му недостасува|last=(help) - ↑ Гладострав[мртва врска]
- ↑ „British Library - Kole Mangov“. explore.bl.uk (англиски). Архивирано од изворникот на 2023-01-23.
 | Оваа биографска статија е никулец. Можете да помогнете со тоа што ќе ја проширите. |