Клима во Македонија

Од Википедија, слободната енциклопедија
Прејди на: содржини, барај
Сателитска снимка на Македонија во декември

Климата во Македонија се карактеризира со испреплетување на маритимните и континенталните влијанија и се судираат благата медитеранска со острата континентална клима на многу специфичен начин. Маритимните влијанија предизвикуват сушно и топло лето, а континенталните влијанија студена и влажна зима.[1]

Климатски региони и типови[уреди]

Crystal Clear app xmag.svg Главна статија: „Климатски типови во Македонија.

Во Македонија се издвоени неколку карактеристични климатски региони: субмедитерански, регион со изразена транслатација на медитеранската и континенталната клима, регион со континентална клима и регион со планинска клима. Субмедитеранскиот регион ги зафаќа: Гевгелиско-валандовската и Дојранската Котлина, каде што најсилно се чувствуваат медитеранските климатски влијанија. Во него во одделни години медитеранските влијанија се потиснати, но и обратно, постојат години кога медитеранските влијанија се чувствуваат по долината на реката Вардар до Скопје, по долината на реката Брегалница до Кочани и по долината на реката Струмица во Струмичко–радовишката Котлина. Регионот на изразена транслатација на континенталната и медитеранската клима ги зафаќа Тиквешката, Велешката и Скопската Котлина, Овче Поле, Штипско и Кочанската Котлина, долината на реката Вардар, Струмичко–радовишката Котлина и по долината на реката Црни Дрим во Дебарската Котлина. На север по долината на реката Вардар климатското влијание брзо ослабува. Регионот на континенталната клима, најмногу се чувствува во Преспанската и Охридско-струшката Котлина (каде што се чувствува и влијанието од езерскиот басен), Кичевската, Бродската, Беровско-делчевската, Славишката, Полошката и Пелагониската Котлина. Регионот на планинска клима ги зафаќа високите планини на Шарскиот и Корабскиот планински систем, Јабланица, Баба, Јакупица и сите други високи планини во Македонија. Во нив над 2.200 метри постои вистинска планинска клима или таканаречената алпска клима. За разлика од неа, во сите планини под 1.000 м н.в., кои се определени како ниски планини, владее преодна, од котлинска во планинска клима.[2]

Во жешкиот топлински појас се јавуваат: екваторска, троска, пустинска и монсунска клима.

Според климатските и вегетативните специфики, Македонија е поделена на осум физичко-географски региони:
  • Субмедитеранско подрачје со 50-150 м надморска висина.
  • Умерено континентално-субмедитеранско подрачје со 600 м надморска висина.
  • Топло континентално подрачје од 600 до 900 м надморска висина.
  • Ладно континентално подрачје на висина од 900 до 1100 м.
  • Подгорско континентално-планинско подрачје на висина од 1.100 до 1.300 метри.
  • Горско континентално-планинско, кое се јавува од 1.300 до 1.650 метри висина.
  • Субалпско планинско подрачје од 1.650 до 2.250 метри висина.
  • Алпско подрачје на висина од 2.250 метри.


Климатски факти: [3][4][5]
Место Регион Латитуда Лонгитуда Алтитуда (m) Врнежи (mm) Температура
(°C)
Скопје Северно од Вардарската Долина 42° 00’ 21° 26’ 245 940 13,5
Кочани Источна Македонија 41° 50’ 22° 00’ 400 538 12,9
Охридско Езеро Југоисточна Македонија 41° 03’ 20° 42’ 693 759 11,4
Климатски податоци за Скопје : [6]
Месец Јан Фев Мар Апр Мај Јун Јул Авг Сеп Окт Нов Дек
Максимална температура (°C) 5 10 13 18 23 28 31 30 26 20 10 7
Минимална температура (°C) -5 2 5 7 12 16 18 18 15 11 6 -2
Врнежи (највисоки просечни во mm) 100 103 113 175 201 123 132 102 109 127 124 141

Наводи[уреди]

  1. Ангел Лазаревски, Климата во Македонија – врнежите во СР Македонија, „Географски разгледи“, кн. 8–9, Скопје, 1971
  2. Михаило Зиков, Клима и климатска регионализација во Република Македонија, „Географски разгледи“, бр. 30, Скопје, 1995
  3. Official web-site of Skopje
  4. Official web-site of Kočani
  5. Web-site about the region of Ohrid
  6. Climatic data for Skopje