Кира Најтли

Од Википедија, слободната енциклопедија
Прејди на: содржини, барај
Кира Најтли

Најтли на 68. издание на филмскиот фестивал во Венеција, септември 2011
Роден(а) Кира Кристина Најтли[1]
26 март 1985 (1985-03-26) (29 г.)[2]
Тедингтон, Лондон, ВБ
Националност  Велика Британија
Занимање Актерка
Активен период 1993–сеуште.
Сопружник Џејмс Рајтон
(во брак од 2013)
Родители
  • Вил Најтли
  • Шерман Мекдоналд

Кира Кристина Најтли (родена 26 март 1985) е англиска актерка.[3] Најтли започна да глуми на телевизија уште како дете а својата прва филмска улога ја имаше во 1995 година. Таа имаше споредна улога како Сабе во Војна на ѕвездите Епизода 1: Фантомската закана (1999) а потоа имаше значителна улога во филмот Јама (2001). Таа доби големо признание во 2002 откако играше главна улога во филмот Играј како Бекам и постигна меѓународна слава во 2003 појавувајќи се како Елизабет Свон во филмскиот серијал Пиратите од Карибите.

Освен во филмовите Пиратите од Карибите, Најтли стана позната по своите филмски остварувања во драмите,[4][5] како Гордост и предрасуди (2005), Покајание (2007), Свила (2007), Војводката (2008), Опасен метод (2011), и Ана Каренина (2012). Најтли исто така се појави во најразлични жанрови во холивудските филмови, како романтичната комедија Всушност љубов (2003), историскиот Кралот Артур (2004), психолошкиот трилер Лудачка кошула (2005), биографскиот Домино (2005), историската драма На работ на љубовта (2008), ноарот Лондонски булевар (2010), дистопската научна фантастика Никогаш не ме пуштај (2010), романтичната драма Минатата ноќ (2010), и комедијата Барајќи пријател за крајот на светот (2012).

Најтли заработи номинации за Оскар за најдобра актерка и Златен глобус за најдобра актерка за улогата Елизабет Бенет во филмската адаптација на Џо Рајт на романот Гордост и предрасуди од писателката Џејн Остин. Две години подоцна, Најтли повторно доби номинација Златен глобус за најдобра актерка, како и БАФТА номинација за нејзината улога во филмот Покајание. На својот список во 2008 година, магазинот Форбс ја утврди Најтли како втора највисоко платена актерка во Холивуд, со пријавени приходи од 32 милиони долари во 2007, правејќи ја единствената не-Американка на списокот највисоко платени актерки таа година.[6][7][8]


Наводи[уреди]

  1. „Keria Knightley –“. „Biography Today“ (Omnigraphics, Inc.) 16 (2): 82. 2007. ISSN 1058-2347. 
  2. „Monitor“. „Entertainment Weekly“ (1252): 30. Mar 29, 2013. 
  3. Foley, Jack. „The Jacket – Keira Knightley Q&A“. „IndieLondon“. http://www.indielondon.co.uk/film/jacket_knightley_Q&A.html. конс. 25 август 2008. 
  4. Brown, Mark. „Venice film festival 2011: Keira Knightley talks costume drama“, „The Guardian“, 2 септември 2011 (конс. 5 јули 2012).
  5. Keira Knightley loves period films, hates corsets“, „MSNBC“, 16 септември 2008 (конс. 5 јули 2012).
  6. The Press Association. „Diaz top earning Hollywood actress“, Somerset County Gazette, 24 јули 2008 (конс. 20 октомври 2008).
  7. Elsworth, Catherine. „Keira Knightley is highest earning British Hollywood star on Forbes list“, „The Telegraph“, 24 јули 2008 (конс. 20 октомври 2008).
  8. Jen, McDonnell. „Will Smith, Mike Myers highest earners“, The Gazette, 11 септември 2008 (конс. 20 октомври 2008).

Надворешни врски[уреди]