Кермод

Од Википедија, слободната енциклопедија
Прејди на: содржини, барај
Кермод
Научна класификација
Царство: Животни
Колено: Хордати
Класа: Цицачи
Ред: Carnivora
Фамилија: Ursidae
Род: Ursus
Вид: Ursus americanus
Триномен назив
Ursus americanus kermodei
Hornaday, 1905

Кермод (Ursus americanus kermodei) позната и како мечка-дух (анг. - "spirit bear"), е под-вид на американската црна мечка кој живее на централниот брег на Британска Колумбија. Една десетина од популацијата има крзно со бела или кремава боја. Оваа варијанта е поради присуството на рецесивен ген во нивниот геном, тие не се ни албино, ни во сродство со белите мечки.

Поради нивниот специфичен изглед, поради кој наликуваат на духови, овие мечки имаат значајно место во митологијата на индијанците кои живееле во овие предели[1].

Кермод мечката е именувана по Франсис Кермод, канаѓанец кој ги истражувал овие мечки и соработник на Вилјам Хорнадеј, зоологот кој го опишал овој вид[2].

Боја на крзно[уреди]

Во 2001, беше објавено дека замена во рецепторот на меланокортин 1 е одговорна за бојата на крзното на овие мечки. Научниците испитувале ДНК од 220 мечки и откриле релација помеѓу рецесивната алела и белата боја на крзното[3].


Живеалиште[уреди]

Природното живеалиште на мечката Кермод е под постојана закана поради сечењето на дрвата кои се употребуваат во градежната индустрија. Од фебруари 2006 година, владата на Британска Колумбија постави договор помеѓу групите за заштите на околината и градежната индустрија, со кој се заштитуваат 18 000 квадратни километри земја. Овој предел е најголемата умерена дождовна шума, наречена Голема мечкина дождовна шума, која е и дом на Кермод. Договорот ќе го ограничи сечењето дрва и ќе помогне да се развие еко-туризмот. Во септември 2006 година започнува искористувањето на шумите во друг регион, кој е исто така живеалиште на овие мечки но не е влезен во териториите заштитени со договорот.


Занимливости[уреди]

Во фебруари 2006, премиерот на владата на Британска Колумбија објави дека сакаат Кермод да стане официјално животно на оваа земја.

Наводи[уреди]

  1. „Last Stand of the Great Bear“. National Geographic. ISBN 0-7922-4110-X. 
  2. Steve Warmack. „The Kermode Bear“. http://users.aristotle.net/~swarmack/kermode.html. конс. 18 април 2008. 
  3. Kermit Ritland, Craig Newton, and H. Dawn Marshall (18 сeптември 2001). „Inheritance and population structure of the white-phased “Kermode” black bear“. „Current Biology“ 11 (18): 1468–1472. doi:10.1016/S0960-9822(01)00448-1.