Канал Телтов

Од Википедија — слободната енциклопедија
Прејди на: содржини, барај
Карта на водените патишта во областа околу Берлин; Каналот Телтов е малку под средината
Каналот близу браната Клајнмахнов
Железнички и автопатски мост преку каналот

Каналот Телтов (германски: Teltowkanal) е канал јужно од Берлин, Германија. Каналот се наоѓа во обете покраини, Берлин и Бранденбург, и во еден дел претставува нивна меѓусебна граница. Го добил името по истоимениот град во Бранденбург, кој се наоѓа на неговиот тек.[1] Каналот бил граден помеѓу 1900 и 1906 кога бил отворен од Вилхелм II.[2]

Каналот е долг 37,83 километри и ја поврзува реката Хафел близу градот Потсдам со реката Даме близу Кепеник во источните предградија на Берлин. Даме обезбедува врска до Каналот Одра-Шпре и оттаму до реката Одра и Полска. Иако Даме е притока на реката Шпре, и самата пловна притока на Хафел, Каналот Телтов нуди предност преку заобиколување на центарот на Берлин, особено тешкиот речен сообраќај.[1]

На неговиот западен крај, Каналот Телтов поминува низ Грибницското Езеро, кое е поврзано со Хафел во Потсдам. Каналот Грибниц обезбедува втора врска до Хафел од источниот крај на езерото. Кон неговиот источен крај, Каналот Телтов е поврзан со Каналот Ландвер, додека Каналот Бриц го поврзува Каналот Телтов со Шпре.[1]

Тука се наоѓа единствената брана на каналот, кај Клајнмахнов. Каналот е пловен за бродови со длабочина до 1,75 метри и со максимално растојание од 4,4 метри[1]

Наводи[уреди]

  1. 1,0 1,1 1,2 1,3 Шефилд, Бери (1995). „Inland Waterways of Germany“. Сент Ив: Imray Laurie Norie & Wilson. стр. 118. ISBN 0-85288-283-1. 
  2. Келер, Хорст (мај 2000). „Der Teltowkanal - Vom Wunsch zur Idee“ (на германски). „Berlinische Monatsschrift“ (Luisenstädtischer Bildungsverein).