Ишијас

Од Википедија — слободната енциклопедија
Прејди на: содржини, барај
Ишијас
Класификација и надворешни извори

Ишијален нерв (жолт дел).
МКБ-10 M54.3-M54.4
МКБ-9 724.3
MedlinePlus 000686
eMedicine emerg/303
MeSH D012585

Ишијасот претставува болка во грбот која се спушта кон една од двете нозе, познат е уште како Лумбоишијалгија, а настанува со притискање на нервот ишијадикус, најдолгиот нерв во периферниот нервен систем, се протега од задникот до стапалата.

Настанок[уреди]

Ишијасот настанува поради дегеративните промени и прераното стареење на дискусите меѓу прешлените, исто така настанува и поради неправилното одење и седење, носење на обувки на висока потпетица, истегнување на мускулите, подигнување на голем товар, вишок килограми. Оштетениот дискус и воспаление на седечкиот нерв може да предизвика ишијас.

Симптоми[уреди]

Најчести симптоми се болка и вкочанетост во лумбалниот предел на ’рбетот, кои вообичаено се јавуваат после некој напор, свиткување и подигнување товар. Болката од долниот дел на грбот се спушта преку колкот, задниот дел од надколеницата, преку подколеницата се до прстот од ногата. Болката може да биде тапа, силна и остра, привремена или постојана, а со зголемување при секој напор, кашлање, кивање и често е проследена со трнење. Подигнување на ногата во лежечка положба води до истегнување на нервот ишијадикус и појава на болка.

Дијагноза и лекување[уреди]

Во зависност од симптомите и лекарскиот преглед, може да се постави дијагноза, а потоа да се определи терапија во вид на против воспалителни лекови и аналгетици, лекови за опуштање на мускулите, а понекогаш и кортикостероиди. Во некои случаи, неопходно е, после смирување на болките и воспаленијата, да биде вклучена и физикална терапија, или пак дополнителна дијагностика како електомиографија (ЕМГ), која ќе покаже во колкав степен е оштетен коренот на нерв]от. Оперативен зафат ретко се препорачува, освен кога веќе болките се неподносливи и кога притисокот на нервот предизвикува паѓање на стапалата и нарушено празнење на мочниот меур и цревата.

Лев глутеален регион, приказ на глутеалните артерии и ишијалниот нерв.

Превенција[уреди]

За да се намали ризикот од појавата на ишијас и болка, потребно е:

  • лежење и спиење на тврд душек на страна и со перница помеѓу колената;
  • при седење потребно е максимална исправеност на ’рбетот;
  • при стоење тежината рамномерно тежината да биде распределена на двете нозе;
  • здрава исхрана;
  • физичка активност.