Историја на модерна Монголија
 |
Оваа статија не наведува никакви извори. (ноември 2009) Ве молиме помогнете со тоа што ќе додадете наводи до веродостојни извори. Непроверливата содржина може да биде изменета или отстранета. |
Со распадот на комунистичкиот режим во Монголија, првите повеќепартиски избори се одржале на 29 јули 1990 година, Монголската Народна Револуционерна Партија победила на изборите со освојување на 85% од пратеничките места. Државниот Голем Хурал за прв пат се состанал на 3 септември и избрал претседател. Исто така се избрале и 50 членови во Бага Хурал или долен дом. Заменикот претседател на партијата бил претседател на Бага Хурал. Во Државниот Голем Хурал започнал со дискусија за усвојување на нов устав и новиот устав стапил насила на 12 февруари. Покрај ова, се усвоиле и бројни закони за гарантирање на човекови права.
Во 1992 година МНРП повторно победил на парламентарните избори, Новиот устав исто така овозможил гласање на претседател преку избори. Така, првиот демократски избран претседател бил Пунсалмагин Очирбат.
Раните и средни деведесетти години биле пропратени и со силни економски шокови. Надворешната трговија пропаднала, техничката и економската помош од Русија престанала а додека домашната економија се борела со приватизација. Исто така, инфлацијата се зголемила.
Во 1996 година, МНРП ги изгубила изборите и опозициската партија ја добила власта во Монголија. Во 1997 година за претседател бил избран Нацагин Багабанди а подоцна во 2001 бил повторно избран.
Денес, Монголија е држава што воглавно се заснова на трговија со соседните земји и има воспоставено поголем број дипломатски односи со земји од светот. Македонија и Монголија имаат дипломатски односи и тие односи се одвиваат преку македонската амбасада во Пекинг.
